«Biełkamunmaš» da kanca hoda zrobić 2 doślednyja ŭzory elektrobusa dla Minska. Pra heta paviedamiła pieršy namieśnik staršyni kamiteta ekanomiki Minharvykankama Taćciana Kraŭčanka.
Pavodle jaje słoŭ, da kanca hoda pradpryjemstva zrobić dla stalicy 2 doślednyja ŭzory elektrobusa dla abkatki.
Elektrobusy dziakujučy adsutnaści vykidu škodnych rečyvaŭ, nizkamu ŭzroŭniu šumu i vykarystańniu čystych krynic enierhii ličacca «zialonym transpartam XXI stahodździa». Dla zaradki elektrobusa nie patrabujucca padłučeńnia da linij elektrapieradačy. Na prypynku hramadskaha transpartu ustaloŭvajecca zaradny słup, ad jakoha elektrobus atrymlivaje dastatkovy abjom elektryčnaści.
Jak patłumačyli na «Biełkamunmašy», zaraz na pradpryjemstvie aktyŭna viadziecca rabota pa ŭkaranieńni elektrobusaŭ na centralnych maršrutach Minska. «Biełaruskija elektrobusy buduć asnaščany supierkandensatarami (kampanija Xinzhu Corp., Kitaj), vydatna zarekamiendavałymi siabie ŭ chodzie ekspłuatacyi na haradskich maršrutach u Bałharyi i Kitai», — adznačyli surazmoŭcy. Elektrobusy abstalujuć pryborami dla chutkaj zaradki (nie bolš za 7 chvilin) na kancavych stancyjach.
Płanujecca, što da pačatku śniežnia 2016 hoda ŭ Minsku pa centralnych vulicach pačnuć kursiravać dva elektrobusy madeli Je433 vytvorčaści «Biełkamunmaš», a ŭ pieršym kvartale 2017 hoda dla horada buduć pastaŭleny jašče 18 adzinak elektrobusaŭ.
Kamientary