Mužčynu sudzili pa artykule «Chulihanstva».
Zdareńnie adbyłosia ŭviečary 14 vieraśnia ŭ zavułku Łuhavym u Paŭnočnym mikrarajonie, kala dziciačaha sadka. Da kanca raboty ŭstanovy zastavałasia 20 chvilin. Na ščaście, dziaciej u hety čas nie było na prahułcy.
— Pjany biespracoŭny 37-hadovy žychar horada išoŭ pa vulicy sa svajoj znajomaj, raptam raspranuŭsia i ŭ prysutnaści minakoŭ staŭ ananiravać, — raspavioŭ Intex-press Śviatasłaŭ Barmocin, namieśnik načalnika Baranavickaha mižrajonnaha adździeła śledčaha kamiteta RB.
Ubačyŭšy nieprystojnyja pavodziny mužčyny, minaki vyklikali milicyju. Jak patłumačyła pryjacielka ananista, takija dziejańni jaje znajomaha stali dla jaje «niečakanaściu». Sam mužčyna rastłumačyŭ svaje pavodziny stanam ałkaholnaha apjanieńnia i tym, što «rezka ŭzbudziŭsia ad siabroŭki».
Jak paviedamili Intex-press ŭ sudzie Baranavickaha rajona i horada Baranavičy, 14 kastryčnika mužčynu vynieśli prysud — adzin hod abmiežavańnia voli biez nakiravańnia ŭ vypraŭlenčuju ŭstanovu adkrytaha typu. Jak padčas śledstva, tak i na sudzie abvinavačvany svajoj viny nie admaŭlaŭ.
Prysud u zakonnuju siłu nie ŭstupiŭ i moža być abskardžany.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary