Prezident Hambii Jajia Džamu abviaściŭ u krainie nadzvyčajnaje stanovišča, paviedamlaje BBC.
Raniej prezident admoviŭsia pieradavać paŭnamoctvy lidaru apazicyi Adamu Barou, jaki pieramoh na vybarach 1 śniežnia.
Džema zajaviŭ, što dakładnaja data pieradačy paŭnamoctvaŭ «nie vysiečana na kamieni». Jon taksama raskrytykavaŭ «niezvyčajnaje» zamiežnaje ŭmiašańnie ŭ spravy Hambii i ŭ prezidenckija vybary ŭ śniežni.
Pierad hetymi vybarami byli aryštavanyja lidary apazicyi, a naziralnikam z-za miažy zabaranili znachodzicca ŭ krainie. Taksama byŭ adklučany internet. Pa vynikach hałasavańnia Barou atrymaŭ 45,5% hałasoŭ, Džamu - 36,7%.
Partyja, jakaja padtrymlivaje Džamu, padała skarhu ŭ kanstytucyjny sud Hambii. U joj havorycca ab parušeńniach padčas vybaraŭ. Pry hetym vybarčaja kamisija krainy paćvierdziła pieramohu Barou, jaki ciapier znachodzicca ŭ Sieniehale ź mierkavańniaŭ biaśpieki.
Ekanamičnaja supolnaść zachodnieafrykanskaj dziaržaŭ (EKOVAS) padrychtavała vajenny kantynhient dla ŭviadzieńnia ŭ Hambiju na vypadak kryzisu, ale zajaŭlaje, što vajennaje ŭmiašańnie budzie krajnim varyjantam.
Džamu pryjšoŭ da ŭłady ŭ 1994 hodzie, zrynuŭšy prezidenta Dauda Džavara. Zatym jon trojčy vyjhravaŭ vybary ŭ krainie.
Pa dadzienych Amnesty International, u 2009 hodzie ŭ Hambii pačałasia kampanija «palavańnia na viedźmaŭ», u ramkach jakoj byli vykradzienyja kala tysiačy čałaviek. Džamu taksama viadomy svaimi zajavami ab tym, što budzie kiravać «miljard hadoŭ, kali hetaha zachoča boh».
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma17
Kamientary