19 sakavika ŭ kłubie «Re:public» adbudziecca ŭžo čaćviorty pa liku štohadovy «FEST VIASNOVAHA RAŬNADZIENSTVA», jaki pa značnaści staić pobač z takim viadomymi biełaruskimi fiestyvalami, jak «Kupalskaje Koła» i «Kaladny Fest».
Zhodna z narodnaj tradycyjaj, viasnovaje raŭnadzienstva — heta toj momant ruchu sonca, kali dzień raŭniajecca z nočču i pačynaje pavialičvacca, śviatło pačynaje pieramahać ciemru, nadychodzić doŭhačakanaje abudžeńnia pryrody. Mienavita da hetaha času našy prodki prymiarkoŭvali pačatak novaha hoda. A pačataku novaha tvorčaha žyćcia biełaruskich fołk-mietał hurtoŭ pryśviečana sioleta muzyčnaje śviata. U fiestyvali voźmuć udzieł ZNICH, FOLCORE, ADARVIROH, jakija prezientujuć šyrokamu kołu słuchačoŭ svaje novyja prahramy i albomy.
Lehienda ajčynnaj mietaličnaj sceny, ZNICH, u minułym hodzie adśviatkavaŭ svajo dvaccacihodździe, ale, niahledziačy na «stałaść», praciahvaje raźvivacca i radavać svaich słuchačoŭ. Klip na vajarskuju narodnuju pieśniu «Dunaju…», jaki vyjšaŭ naprykancy 2015, vyklikaŭ vialiki ažyjataž i naźbiraŭ bolš za 130 tysiač prahladaŭ. Z hetaj ža pieśniaj hurt prajšoŭ u paŭfinał biełaruskaha adboru na «Jeŭrabačańnie».
Na fiestyvali «Kupalskaje Koła — 2016» muzyki prezientavali EP «Slova ziamli», čym padtrymali luboŭ svaich prychilnikaŭ i pryciahnuli ŭvahu zamiežnych arhanizataraŭ. U lipieni hetaha hoda ZNICH pradstavić Biełaruś na bujnym jeŭrapiejskim fiestyvali alternatyŭnaj muzyki Ragnard Rock Fest u Francyi. Nazva novaha alboma hurtu pakul trymajecca ŭ sakrecie, ale viadoma, što materyjał budzie mieć vielmi fiłasofski źmiest. U kružełku ŭvojduć nie tolki aŭtarskija pieśni, ale i pieśni na słovy Maksima Bahdanoviča.
Davoli papularny ŭ biełaruskim fołk-mietał kirunku, hurt FolCore narešcie vydaŭ doŭhačakany debiutny albom pad nazvaj HAERESIS, što možna pierakłaści z łatyni, jak inšadumstva. Jak adznačajuć sami muzyki, ich tvorčaść pryśviečana pošuku čałaviekam siabie pa-za miežami relihij i ideałohij. U muzycy pryhoža spałučajucca narodnyja śpievy i matyvy z hłybokimi ŭnutranymi pieražyvańniami. Adna ź piesień alboma napisanaja na słovy Jakuba Kołasa.
Tvorčaść hurta «ADARVIROH», naskroź prasiaknutaja lehiendami i atmaśfieraj słaŭnaj minuŭščyny, vyliłasia ŭ stvareńnie pieršaha alboma «Kraj padańniaŭ». Darečy, sama nazva kamandy robić adsyłku da tvora Uładzimira Karatkieviča «Ładździa rospačy». Albom pavinien atrymacca nadzvyčaj patryjatyčnym:
«U asnovu kancepcyi, — paspaviadajuć udzielniki kalektyvu, — zakładzieny ahulny siužet, jaki amal niabačnaj linijaj idzie ad pieśni da pieśni. Jon raspaviadaje pra toje, jakim my bačym sapraŭdnaha biełarusa, jakim jaho bačyli raniej va ŭsim śviecie. Adčajnaha i niazłomnaha, jaki nie škaduje ŭłasnych kryvi i žyćcia dziela abarony svajoj ziamli i ideałaŭ. Ale, jaki pamiataje pra toje, što ŭ žyćcia jość i pryjemnyja baki. Pra takoha, jakim my chacieli by bačyć kožnaha z našych suajčyńnikaŭ».
Zaprašajem usich amarataŭ biełaruskamoŭnaj ciažkaj muzyki! Budzie horača!
Košt kvitkoŭ — ad 17,50 (Rok-krama STUFF, servis biaspłatnaj dastaŭki firmovych kvitkoŭ «Biehunok», Kvitki.by).
Z 7 pa 9 sakavika budzie dziejničać źnižka 50%.
Padrabiaznaści tut.
Telefon dla daviedak: +375-29 141-94-97 (Alesia).
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty16
Kamientary