Na Viciebščynie zatrymanyja dva tavaryšy, jakija na praciahu bolš čym dvuch hadoŭ zajmalisia zhvałtavańniami dziaciej, u tym liku ŭnukaŭ adnaho ź ich.
Padrabiaznaści žachlivaj historyi na staronkach milicejskaj haziety «Na varcie» raskazvaje staršy apierupaŭnavažany pa asabliva važnych spravach upraŭleńnia pa narkahandli i procidziejańni handlu ludźmi UUS Viciebskaha abłvykankama Dzianis Škurko.
Abodvum zatrymanym bolš za 50 hadoŭ.
Adzin ź ich mieŭ troch rodnych unukaŭ (małodšamu — 7 hadoŭ), jakija štovychodnyja pryjazdžali da dziaduli ŭ hości. «Mužčyny ŭstupali ŭ pałavuju suviaź z achviarami i adzin z adnym na vačach u dziaciej, pry hetym zdymajučy pornaroliki», — raskazaŭ milicyjant. Baćki dziaciej daviedalisia pra heta tolki bolš praz dva hady, i paviedamili pravaachoŭnikam.
«U pačatku 90-ch hadoŭ mužčyna kupiŭ kasiety ź dziciačaj parnahrafijaj i na praciahu 20 hadoŭ hladzieŭ videa, vyśpiavaŭ dla taho, kab ździajśniać heta samomu ŭ dačynieńni da dziaciej», — paviedamlałasia pra hetu historyju raniej.
Tym časam vyjaviłasia, što druhi padazravany jašče ŭ 1990-yja hvałtavaŭ dziaciej susiedziaŭ pa internacie, a paśla i ŭnučku svajoj sužycielnicy.
Vinu abodva tavaryšy pryznali častkova. «Adzin ź ich dahetul ćviorda ŭpeŭnieny, što ich dziejańni — tolki svavolstva», — padsumoŭvaje Dzianis Škurko.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary