Chakieisty zbornaj Biełarusi abyhrali ŭ aviertajmie Francyju ź likam 3: 2 (0: 2, 1: 0, 1: 0, 1: 0) na etapie «Jeŭračelendža» u Sieržy, paviedamlaje karespandent BiełTA.
Biełarusy prapuścili dvojčy ŭ pieršyja dvaccać chvilin hulni. U supiernikaŭ dakładnyja kidki ŭ svoj aktyŭ zapisali Stefan Da Kosta i Aliŭje Dam-Malka. Paśla pierapynku padapiečnyja Dejva Ljuisa namahańniami Džefa Płata ŭ siaredzinie druhoha pieryjadu zmahli adyhrać adno ačko - 1: 2.
Na 48-j chvilinie matču Dźmitryj Dziarabin paśpieŭ na dabivańnie šajby i zrabiŭ ličby na tabło roŭnymi - 2: 2.
Asnoŭny čas sustrečy zaviaršyŭsia ŭničyju, a ŭ dadatkovym pieryjadzie dakładny kidok Andreja Bialeviča prynios pieramohu biełarusam - 3: 2.
U pieršym tury ŭ Sieržy biełaruskaja kamanda sastupiła 5: 7 Łatvii. U zaklučny dzień turniru, 11 listapada, biełarusy sustrenucca z kamandaj Słavienii.
Turnirnaje stanovišča: 1. Łatvija - 6 ačkoŭ (2 matčy), Biełaruś - 2 (2), Słavienija - 2 (2), Francyja - 2 (2).
Kamientary