U kancy pres-kanfierencyi z premjer-ministram Sindza Abe ŭ Fłarydzie, kali Donald Tramp ŭžo sabraŭsia sychodzić, jon vyrašyŭ raspavieści, što dumaje pra ŭzajemaadnosiny z Rasijaj.
Kamientujučy repliku z zały nakont sankcyj suprać Maskvy, kiraŭnik Biełaha doma zajaviŭ, što «ZŠA ŭviaduć novyja sankcyi, kali jany ich sapraŭdy zasłužać»,
«Nichto nie pavodziŭ siabie tak žorstka z Rasijaj, jak prezident Tramp. Heta nie žurnalisty pišuć. Spytajcie ŭ Maskvy. Vam tam raskažuć, što bolš žorstkaha za mianie nikoha nie było», — zajaviŭ kiraŭnik Biełaha doma».
«U nas była vielmi žorstkaja sutyčka ŭ Siryi. Miesiac tamu sutyčka pamiž amierykanskimi sałdatami i ruskimi. Tady šmat ludziej zahinuła, i heta vielmi sumna», — zajaviŭ Tramp.
Tramp nie patłumačyŭ, što mieŭ na ŭvazie.
Napiaredadni pamočnik dziaržsakratara ZŠA Ues Mitčeł daŭ pakazańni mižnarodnamu kamitetu pałaty pradstaŭnikoŭ, u chodzie jakich zajaviŭ pra «niadaŭni napad rasijskich najmitaŭ, jaki pravaliŭsia, na pazicyi ZŠA ŭ Siryi».
U pačatku lutaha adbyŭsia napad na pazicyi Siryjskich demakratyčnych sił, u jakim udzielničali najmity z hrupy Vahniera. ZŠA nanieśli, jak paviedamlajecca, avijaŭdar, u jakim mahli zahinuć da 200 čałaviek.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA7
Kamientary