Žudasnuju znachodku zrabiła žycharka Hrodzienskaj vobłaści, kali adkryła pačak z kurynymi subpraduktami. Tam jana znajšła čałaviečy palec, a milicyja ŭžo adšukała jaho mierkavanaha ŭładalnika, pieradaje TUT.BY.
Žančyna kupiła nabor kurynych šyjek, a 21 červienia dastała ich z maraziłki i pakinuła na kuchni, kab pryhatavać paźniej. I nieŭzabavie žachnułasia, kali ŭnutry razhledzieła niešta padobnaje da čałaviečaha palca. Miascovyja žychary apublikavali ŭ sacsietkach zdymak.
Pakupnica adrazu vyklikała milicyju, i supracoŭniki adšukali mužčynu z padobnaj traŭmaj. Pavodle infarmacyi TUT.BY, im akazaŭsia supracoŭnik ptuškafabryki ŭ Minskaj vobłaści, dzie ŭ kancy traŭnia i byŭ vypuščany toj pačak subpraduktaŭ.
Va UUS Minabłvykankama paćvierdzili, što milicyja raźbirajecca ŭ abstavinach hetaha vypadku.
«Ad žycharki Hrodzienskaj vobłaści pastupiła paviedamleńnie ab vyjaŭleńni ŭ pakunku ź miasnoj pradukcyjaj fałanhi palca. Pradukcyja vyrablena na adnym z pradpryjemstvaŭ Minskaj vobłaści. Pravodzicca pravierka. Nie vyklučajecca, što incydent mieŭ miesca ŭ vyniku zdareńnia na vytvorčaści», — paviedamili TUT.BY u abłasnym upraŭleńni ŭnutranych spraŭ.
Miascovyja žychary aburanyja i zadajucca pytańniem: jakija miery prymie samo pradpryjemstva i słužby kantrolu. Pavodle nieaficyjnych źviestak, u paciarpiełaha rabotnika fabryki adsutničali fałanhi na niekalkich palcach.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary