Ministerstva kultury zahadała prybrać z budynka na terytoryi Bresckaj krepaści cytaty Stalina i pakarać aŭtaraŭ
Adpaviedny list atrymali bresckaje adździaleńnie Biełaruskaj sacyjał-demakratyčnaj partyi i brescki prajekt «Za svoj horad».
Ź miesiac tamu na adnym z budynkaŭ na terytoryi Bresckaj krepaści źjavilisia dziŭnyja nadpisy z cytatami kamunistyčnych pravadyroŭ.
Na heta źviarnuli ŭvahu aktyvisty Biełaruskaj sacyjał-demakratyčnaj partyi, u pryvatnaści, Ihar Masłoŭski, jaki napisaŭ skarhu ŭ Ministerstva kultury z prośbaj dać acenku takim dziejańniam.
«Hrupa asob na čale z kiraŭnikom «Moładzievaha patryjatyčnaha centra» na terytoryi Bresckaj krepaści Piatrom Picko samavolna nanosić nadpisy na fasad budynkaŭ, raźmiaščaje ŭ voknach ułasnyja fotamateryjały sa scenami hvałtu. Aproč taho, imi praviedzienaja vyrubka drevaŭ biez adpaviednaha dazvołu», — pisaŭ jon.
Na dniach pryjšoŭ adkaz, u jakim Minkult kanstatuje, što nieabchodna vypravić situacyju — adpaviednaje daručeńnie nakiravanaje bresckim uładam.
«[…] Z ulikam vyšejvykładzienaha, a taksama z metaj praduchileńnia parušeńniaŭ na historyka-kulturnaj kaštoŭnaści Ministerstvam kultury ad 06.11.2018 nakiravany zvarot u Brescki harvykankam ab nieabchodnaści demantaža banieraŭ, a taksama vydaleńnia nadpisaŭ z fasadaŭ abjektaŭ spadčyny.
Bresckamu abłvykankamu Ministerstvam kultury daručana arhanizavać padrychtoŭku pratakołaŭ ab administratyŭnych parušeńniach», — paviedamlajecca ŭ liście.
Taksama tam havorycca, što Brescki abłvykankam užo pačaŭ vytvorčaść pa 19.2 (nievykanańnie patrabavańniaŭ achoŭnych abaviazkaŭ) i 19.3 (parušeńnie paradku rabot na historyka-kulturnych kaštoŭnaściach) artykułach Administratyŭnaha kodeksa.
Adkaznaść pa hetych artykułach praduhledžvaje štrafy ad 8 da 500 bazavych vieličyń.
U razmovie z «Našaj Nivaj» aŭtar hetaj «rekanstrukcyi» Piotr Picko nie zdoleŭ uciamna patłumačyć, ź jakoj metaj jon nanosiŭ cytaty Stalina na ścieny.
Jon śćviardžaje, što heta pastanova Minkulta jaho, najchutčej, nie datyčyć, bo «budynki nie adnosiacca da miemaryjała».
Picko paćvierdziŭ, što dadzieny budynak nie znachodzicca ŭ jahonaj asabistaj ułasnaści. «U mianie va ŭłasnaści tolki dva kamplekty «Horki» [kamuflaž] i stary «Opiel», — skazaŭ jon.
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary