Žurnalist telekanała «Biełsat» Aleś Zaleŭski patłumačyŭ, z čym moža być źviazany pieratrus, jaki adbyvajecca ad ranku ŭ minskim ofisie kanała.
Jašče letam 2018 hoda Zaleŭski rychtavaŭ materyjał pra zatrymańni ŭ miedyčnaj śfiery. Žurnalist paviedamiŭ u siužecie pra zatrymańnie dyrektara «Miedtechnacentra» Aleha Švieda.
Ale ŭ tekstavaj viersii na sajcie źjaviłasia paviedamleńnie, što zatrymany i jahony brat, kiraŭnik Kamiteta sudovych ekśpiertyz Andrej Švied.
U kancy lipienia «Biełsat» na svaim sajcie źniapraŭdziŭ infarmacyju, paprasiŭ prabačeńnia ŭ čynoŭnika. Žurnalist śćviardžaje, što chacieŭ asabista sustrecca z Andrejem Šviedam, ale toj admoviŭsia.
Paśla hetaha, pa słovach Zaleŭskaha, kiraŭnik kamiteta sudovych ekśpiertyz nibyta paprasiŭ zavieści kryminalnuju spravu pa faktach paklopu i dyskredytacyi. Była taksama zaviedzienaja administracyjnaja sprava.
Spravu pieradali ŭ Śledčy kamitet. Siłaviki na praciahu niekalkich miesiacaŭ razhladali spravu,
ale ŭ listapadzie 2018 hoda pryniali rašeńnie nie zavodzić kryminalnuju spravu.
Praŭda, u studzieni 2019 hoda spravu ŭsio ž zaviała Minskaja haradskaja prakuratura (Švied — vychadziec jakraz z prakuratury). Zaleŭski śćviardžaje, što Švied pisaŭ skarhi na rašeńnie SK.
Śviedkami pa spravie prachodziać sam Zaleŭski, apieratar Alaksandr Lubiančuk, pradstaŭniki telekanała Alaksiej Minčonak i Iryna Słaŭnikava.
Ciapier siłaviki nibyta źbirajucca nakiravać zvarot u Varšavu, kab daviedacca, chto byŭ adkazny za vystaŭleńnie infarmacyi.
Sam Aleś Zaleŭski ličyć siabie vinavatym u incydencie, adnak kaža, što kryminalnaja sprava nie musić być zaviedzienaja.
U ofisie Biełsata ŭ Minsku idzie pieratrus
Jak vyhladaje ofis Biełsata paśla pieratrusu
***
Chto taki Andrej Švied?
Naradziŭsia ŭ 1973 hodzie ŭ Lelčyckim rajonie. Skončyŭ jurfak BDU (1996). Pracavaŭ u prakuratury Minska (1996-1998), hienieralnaj prakuratury (1998-2006). Byŭ načalnikam ekśpiertna-pravavoha adździeła Rady biaśpieki. U 2010-2011 — namieśnik hienieralnaha prakurora. Paśla byŭ namieśnikam staršyni ŭ navastvoranym Śledčym kamitecie. Ad 2013 hoda — pieršy kiraŭnik Kamiteta sudovych ekśpiertyz. Hienierał-major justycyi.
Andrej Švied byŭ kiraŭnikom apieratyŭnaj śledčaj hrupy pa rasśledavańniu terakta ŭ mietro 2011 hoda.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary