Maci kandydata ŭ prezidenty Ukrainy, šoŭmena Uładzimira Zialenskaha Ryma Zialenskaja raspaviała ŭ intervju telekanału «Hramadskaje», što «ŭžo nie moža čuć brud» na adras syna z boku Piatra Parašenki.
«My z mužam nie možam heta [abrazy] pieranosić. Jon prystojny, sumlenny chłopiec. Toje, što jon zarabiŭ, jon zarabiŭ svajoj pracaj <…> Kolki možna palivać brudam čałavieka pa ŭsich kanałach?», - skazała Zialenskaja.
Jana ŭdakładniła, što toje, što adbyvajecca, vyhadna dziejnamu prezidentu, jaki «prosta źniščaje» Zialenskaha. «Niejkaja ž pavinna być kultura», - skazała na zakančeńnie maci šoŭmiena i dadała, što jaje syn choča spynić vajnu, dapamahać ludziam i «ŭsio źmianić va Ukrainie».
Parašenka, siarod inšaha, publična nazyvaŭ Zialenskaha «maryjanietkaj miljardera Ihara Kałamojskaha» i abvinavačvaŭ u suviaziach z Kramlom. Akramia taho, ukrainski lidar vykazvaŭ apasieńnie, što krainu moža ŭznačalić «čałaviek, jaki nie vyklučana, što maje narkatyčnuju zaležnaść». Zrešty, paźniej prezident abvierh sam siabie. Jak zajaviŭ Parašenka, jon nie śćviardžaŭ, što Zialenski źjaŭlajecca «ahientam Pucina» i «narkamanam».
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary