Łukašenka pra rasijan na vychadnych: Dziakuj Bohu, jany pryjeduć da nas z hrašyma
Alaksandr Łukašenka vykazaŭsia nakont mahčymaha pryjezdu žycharoŭ Rasii, jakija rašeńniem Uładzimira Pucina atrymali vychadny tydzień.
«Voś zaraz vychadnyja hetyja. Kudy rasijanie pajeduć? Jany pryvykli da nas bolš za ŭsio jechać. Viadoma, pryjeduć da nas, u haścinicach buduć žyć, u ahrasiadzibach. I dziakuj Bohu, jany ž pryjeduć z hrašyma. Kudy im padziecca? My nie pavinny ad ich zakryvacca. Tamu voś našy mahčymaści — maleńkija, ale patrošku. Nam nie treba na ludskim hory zarablać, nam treba heta pieražyć hodna, bo ŭ nas niama truby i my nie drukujem dalary», — zajaviŭ Łukašenka, vystupajučy pierad rabočymi «Biełhipsa».
Pazicyja Ministerstva achovy zdaroŭja inšaja. Ludzi, jakija pryjazdžajuć z-za miažy, u tym liku z Rasii, pavinny prytrymacca 14 dzion na chatniaj samaizalacyi.
Kamientary