Złučanyja Štaty ŭchvalili prodaž Ukrainie da 16 patrulnych kataraŭ Mark VI, a taksama spadarožnaje abstalavańnie i ŭzbrajeńnie da ich na ahulnuju sumu 600 młn dalaraŭ, piša bbc.com.
Pra heta paviedamiŭ ministr zamiežnych spraŭ Ukrainy Dźmitryj Kuleba.
Šeść kataraŭ ZŠA pieradaść Ukrainie ŭ ramkach dapamohi. Astatnija katary ŭkrainski ŭrad moža nabyć pry žadańni.
«Heta istotna ŭzmacnić abaranazdolnaść na mory», - pierakananyja ŭ MZS Ukrainy.
Kuleba adznačyŭ, što hety krok aficyjnaha Vašynhtona «śviedčyć ab roście davieru pamiž Ukrainaj i ZŠA».
Katary Ukraina zmoža vykarystać, kab «supraćstajać najaŭnym i patencyjnym pahrozam u Čornym i Azoŭskim morach».
Chutkasnyja patrulnyja katary kłasa Mark VI pryznačanyja dla patrulavańnia prybiarežnych marskich terytoryj i abarony partovaj infrastruktury. Katar moža raźvivać chutkaść da 63 km / hadzinu. Technika budzie abstalavanaja zbrojnymi sistemami MSI Seahawk A2 i MK 44.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary