U Homieli na 5 dzion aryštu asudzili žurnalista Jaŭhiena Mierkisa
Jaŭhiena Mierkisa zatrymała milicyja ŭ piatnicu 21 žniŭnia. Vychodnyja jon pravioŭ u izalatary časovaha ŭtrymańnia, piša Svaboda.
Spravu razhladaŭ sudździa Siarhiej Karmanovič (sud Centralnaha rajonu). Jaŭhien Mierkis prasiŭ pravodzić sud na biełaruskaj movie. Sud adchiliŭ chadajnictva, matyvavaŭšy heta tym, što žurnalist razumieje rasiejskuju movu. Milicyja abvinavaciła žurnalista ŭ parušeńni paradku praviadzieńnia masavaha mierapryjemstva — aktyŭnym udziele ŭ pikiecie.
«21 žniŭnia ja byŭ u centry horadu, tam prachodzili roznyja mierapryjemstvy. Ja nia bačyŭ pryčyn, što mnie nielha znachodzicca ŭ centry horadu. Miarkuju, što kab było niešta niesankcyjanavanaje, to pra heta b napisali i papiaredzili — na sajcie harvykankamu ci milicyi», — patłumačyŭ žurnalist.
«Što vy tam rabili?», — udakładniŭ sudździa. «Ja razmaŭlaŭ ź ludźmi», — patłumačyŭ Mierkis.
Sudździa pastanaviŭ pakarać žurnalista pa artykule 23.34 KaAP aryštam na 5 dzion.
Niadaŭna Mierkisu prysudzili 15 sutak, ale jaho adpuścili, jak i mnohich zatrymanych padčas akcyj pratestu.
-
Baćka daradcy Cichanoŭskaj Dzianisa Kučynskaha pracuje ŭ kiraŭnictvie vykankama? Nie, heta nie tak
-
«70 zakazaŭ na dzień». Biełaruska vypiakaje ŭ Varšavie vielikodnyja bułki, jakija ździŭlajuć palakaŭ
-
Viedajecie łubin? Navukoŭcy ź Minska raspracavali katlety ź jaho. Ale sami nie hatujcie ni ŭ jakim razie!
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary