Staršynstvavać na im budzie kiraŭnik sajuznaha ŭrada, premjer‑ministr Rasii Uładzimir Pucin. Z 14.10 da 15.10 płanujucca pieramovy Sidorskaha z Pucinym u vuzkim farmacie.
Čarhovaje pasiadžeńnie Savieta ministraŭ Sajuznaj dziaržavy projdzie siońnia ŭ Minsku. Staršynstvavać na im budzie kiraŭnik sajuznaha ŭrada, premjer‑ministr Rasii Uładzimir Pucin.
Biełaruski bok uznačalić premjer‑ministr Siarhiej Sidorski.
Z 14.10 da 15.10 płanujucca pieramovy Sidorskaha z Pucinym u vuzkim farmacie.
Zatym pačniecca pasiadžeńnie ŭ pašyranym składzie.
Pavodle infarmacyi Pastajannaha kamiteta Sajuznaj dziaržavy, u paradak dnia ŭklučany 22 pytańni. Jany tyčacca handlova‑ekanamičnaha supracoŭnictva, realizacyi płana sumiesnych dziejańniaŭ pa minimizacyi nastupstvaŭ finansavaha kryzisu, mier pa palapšeńni paramietraŭ płaciežnaha bałansu, udaskanaleńni ŭmoŭ viadzieńnia pradprymalnickaj dziejnaści i ŭzajemnaha handlu.
Udzielniki pasiadžeńnia taksama abmiarkujuć vykanańnie płana mierapryjemstvaŭ pa spraščeńni pieramiaščeńnia tavaraŭ i transpartnych srodkaŭ na terytoryi Sajuznaj dziaržavy; prahnoznyja bałansy popytu i prapanovy pa asobnych vidach pradukcyi na 2009 hod; vykanańnie pahadnieńnia ab rehulavańni pytańniaŭ ułasnaści, spravazdaču ab vykanańni sajuznaha biudžetu za 2008 hod i šerah inšych pytańniaŭ.
Čakajecca, što pa vynikach pasiadžeńnia buduć pryniaty prahnoznyja bałansy popytu i prapanovy pa asobnych vidach pradukcyi na 2009 hod.
Najbolš aktualnymi na siońnia prablemami ŭ adnosinach dźviuch krain źjaŭlajucca ŭzajemny handal i supracoŭnictva pradpryjemstvaŭ realnaha siektara ekanomiki.
Tak, Alaksandr Łukašenka raskrytykavaŭ urad Rasii, jaki, pavodle jaho słoŭ, nie vykonvaje rašeńni prezidentaŭ dźviuch krain.
«Kali my pačynajem błakiravać adzin adnaho ŭ hetych pytańniach, i Rasija pačynaje błakiravać Biełaruś i nie puskać nas na svoj rynak, kamu patrebnyja hetyja tak zvanyja intehracyjnyja pracesy? — zajaviŭ prezident 22 maja padčas pajezdki ŭ Mahiloŭskuju vobłaść. — Usio razvalena, usio błakirujecca, prezidenty rašeńni prymajuć — rasijski ŭrad pravalvaje».
Łukašenka zajaviŭ pra namier uźniać hetaje pytańnie na sustrečy z Pucinym: «My pavinny najsurjoznym čynam abmierkavać hetuju prablemu. Premjer‑ministr [Rasii] zapytaŭ sustreču sa mnoju, ja sustrakajusia ź im i taksama zadam jamu hetaje pytańnie: čamu?».
Hetuju ž temu niekalki razoŭ za apošnija tydni ŭźnimaŭ i Sidorski. «Na žal, ekśpierty pakul nie znachodziać varyjanty vyrašeńnia tych daručeńniaŭ, jakija premjery dali minułym razam, kali padpisali antykryzisny płan», — zajaviŭ jon 19 maja na sustrečy ź dziaržsakratarom Sajuznaj dziaržavy Paŭłam Baradzinym.
26 maja na pasiadžeńni prezidyuma Savieta ministraŭ Sidorski paviedamiŭ, što siońnia rynki ŭ rasijskich rehijonach dla prasoŭvańnia biełaruskaj pradukcyi «faktyčna zakrytyja». Jon daručyŭ čynoŭnikam praanalizavać situacyju z prasoŭvańniem biełaruskich tavaraŭ na miescach i padrychtavać padrabiaznuju infarmacyju da pasiadžeńnia sajuznaha Saŭmina.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty35
Kamientary