U Žłobinie 18-hadovamu palitviaźniu dali try hady kałonii za kamień, kinuty ŭ bok milicejskaha aŭto
U sudzie Žłobinskaha rajona vynieśli prysud pa kryminalnaj spravie Alaksandra Kisialova, jakoha abvinavačvali pa č. 1 art. 342 KK i art 364 (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ), paviedamlaje spring96.org.
Sudździa Jaŭhien Jerafiejeŭ 25 lutaha pastanaviŭ pryznać Kisialova vinavatym i pakaraŭ 3 hadami kałonii.
Mienavita taki termin zapatrabavaŭ prakuror Ściapaškin na papiarednim sudovym pasiadžeńni.
Alaksandr Kisialoŭ — žychar Žłobina, jaki byŭ zatrymany i administracyjna asudžany za ŭdzieł u mirnaj akcyi pratestu viečaram 9 i 11 žniŭnia. Paśla aryštu na volu nie vyjšaŭ. Da suda byŭ źmieščany ŭ SIZA №3 Homiela.
Małady čałaviek tłumačyŭ, što byŭ na mitynhu, ruchaŭsia ŭ kałonie, skandavaŭ łozunhi, ale kamianioŭ nie kidaŭ, hvałt da milicyi nie ŭžyvaŭ.
Alaksandr zaznačaŭ na sudzie, što byŭ aburany tym, jak udzień 9 žniŭnia zatrymali jahonaha niepaŭnaletniaha siabra.
«Kryčali łozunhi, hučali roznyja pieśni. Ja padtrymlivaŭ toje, što ludzi kryčali, u tym liku heta była sproba danieści da milicyi, kab jany pierajšli na bok pratestoŭcaŭ. Ja chacieŭ, kab supracoŭniki milicyi skłali ščyty i vypuścili zatrymanych», — kazaŭ jon.
-
Baćka daradcy Cichanoŭskaj Dzianisa Kučynskaha pracuje ŭ kiraŭnictvie vykankama? Nie, heta nie tak
-
«70 zakazaŭ na dzień». Biełaruska vypiakaje ŭ Varšavie vielikodnyja bułki, jakija ździŭlajuć palakaŭ
-
Viedajecie łubin? Navukoŭcy ź Minska raspracavali katlety ź jaho. Ale sami nie hatujcie ni ŭ jakim razie!
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary