Pačaŭsia razhlad kryminalnaj spravy Uładzimira Žychara, jaki vychapiŭ u supracoŭnika milicyi traŭmatyčny pistalet
Sud Savieckaha rajona Minska 15 krasavika pačynaje razhlad kryminalnaj spravy ŭ dačynieńni da Uładzimira Žychara, jaki adabraŭ u supracoŭnika milicyi traŭmatyčny pistalet, paviedamlaje spring96.org.
Jaho vinavaciać adrazu pa troch artykułach Kryminalnaha kodeksa:
- častka 1 artykuła 342 KK (Arhanizacyja abo aktyŭny ŭdzieł u hrupavych dziejańniach, jakija hruba parušajuć hramadski paradak);
- artykuł 364 KK (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ);
- častka 2 artykuła 206 KK (Rabavańnie, spałučanaje z hvałtam, albo z pahrozaj prymianieńnia takoha hvałtu).
Pa spravie prachodziać dva paciarpiełyja supracoŭniki milicyi.
Z 13 vieraśnia Uładzimir Žychar znachodzicca pad vartaj. Da suda jaho ŭtrymlivali pad vartaj u SIZA №1 na Vaładarcy. Jamu pahražaje da šaści hadoŭ źniavoleńnia.
Žycharu — 47 hadoŭ. Raźviedzieny, žyvie ŭ Minsku. Pracavaŭ kiroŭcam pahruzčyka na adnym sa staličnych pradpryjemstvaŭ.
13 vieraśnia ŭ Minsku prachodziŭ Marš hierojaŭ. Padčas jaho zatrymali «ŭdzielnikaŭ biesparadkaŭ, jakija napali na supracoŭnikaŭ AMAPa». Siłaviki paviedamili, što pratestoŭcy «zakidali milicyjantaŭ kamianiami i butelkami, a adzin čałaviek u rajonie Drazdoŭ vychapiŭ u milicyjanta traŭmatyčny pistalet». Jaŭhiena Žychara zatrymali ŭ toj ža dzień, z taho času jon znachodzicca pad vartaj.
Jahony syn Rusłan kaža, što spačatku jaho baćku asudzili pa administracyjnym artykule. «Spačatku jamu dali 8 sutak. Jaho narmalna tak pamutuzili, jon, zdajecca, byŭ navat u balnicy ci ŭ łazarecie. Ale paśla nam pazvaniŭ dziažurny advakat i skazaŭ: vy jaho nie čakajcie, zaviali kryminalnuju spravu»,— kazaŭ Rusłan.
«Vychapiŭ u milicyjanta traŭmatyčny pistalet». Mužčynu, zatrymanaha padčas pachodu na Drazdy, vinavaciać… u rabavańni
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni7
Kamientary