U palitviaźniaŭ pačali patrabavać kampiensacyju škody za «pierakryćcio daroh» na pratestach
Siońnia ŭ sudzie Frunzienskaha rajona razhladali hramadzianskija pazovy pieršaha namieśnika prakurora Minska ŭ intaresach «Minsktransa» da palitźniavolenych Lavona Chałatrana i Arcioma Saŭčuka ab «kampiensacyi majomasnaj škody, naniesienaj złačynstvam». Lavon 13 červienia pačaŭ adbyvać pakarańnie pa č. 1 art. 342 KK — 2 hady «chimii» ŭ vioscy Suški ŭ Bresckaj vobłaści. Arciom adbyvaje pakarańnie pa č. 2 art. 293 KK (Udzieł u masavych biesparadkach) — 4 hady ŭzmocnienaha režymu ŭ škłoŭskaj kałonii №17, paviedamlajuć pravaabaroncy.
Spravy palitviaźniaŭ siońnia razhladaŭ sudździa Mikałaj Bahamiakaŭ. Pazoŭ da Arcioma składaje 21 839 rubloŭ, da Lavona — 6126 rubloŭ. Ale sud pa spravie Chałatrana nie adbyŭsia siońnia. Sudździa Bahamiakaŭ abjadnaŭ jaho spravu ź inšym palitviaźniem Siarhiejem Brylom, asudžanym pa č. 1 art. 342 KK na 3 hady «chimii». Razhlad pazova pieranakiravany ŭ sud Zavodskaha rajona — čas pakul nieviadomy.
Spravu Arcioma Saŭčuka pačali razhladać siońnia, ale potym abviaścili pierapynak na miesiac — da 20 lipienia.
Taksama viadoma, što 7 i 16 červienia razhladali anałahičny pazoŭ da palitźniavolenaha Arcioma Chvaščeŭskaha, ale razhlad spravy pieranieśli ŭ sud Savieckaha rajona. Arciom užo adbyvaje pakarańnie pa č. 1 art. 342 KK — 1 hod u navapołackaj kałonii №1.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty16
Kamientary