«Skazaŭ, što na budučym tydni, mahčyma, spynić haładoŭku. Nibyta niešta zrušyłasia pa jahonych sudovych spravach»
Tradycyjna pa sieradach u mienskim śledčym izalatary adbyvajecca pryjom svajakoŭ viaźniaŭ, na jakim možna zadać pytańni lekaru ŭstanovy. 8 lipienia karespandent «Svabody» pytaŭsia pra toje, jak pačuvajecca Mikałaj Aŭtuchovič.
«U jaho palepšylisia analizy, acetonu ŭ kryvi stała mieniej. Jamu praciahvajuć stavić kropielnicy i pramyvać straŭnik. Jon značna schudnieŭ, ale zachoŭvaje aktyŭnaść, chodzić sam. Skazaŭ, što na budučym tydni, mahčyma, spynić haładoŭku. Nibyta niešta zrušyłasia pa jahonych sudovych spravach, ale heta nie maja kampietencyja, ja dakładna nia viedaju», — skazała lekarka mienskaha śledčaha izalatara pra stan zdaroŭja Mikałaja Aŭtuchoviča.
Paćvierdžańnia ad advakata pra namier Aŭtuchoviča spynić haładoŭku my nia majem.
Nahadajem, Mikałaj Aŭtuchovič haładuje ŭžo 84 dni. Pradprymalnik patrabuje albo pieradać jahonuju spravu ŭ sud, albo vyzvalić jaho pad padpisku pra niavyjezd. Aŭtuchoviča abvinavačvajuć u padpale i padazrajuć u zachoŭvańni zbroi. Pad vartaj pradprymalnik znachodzicca z 8 lutaha.
Ciapier čytajuć
Zołkin pra Babaryku i Kaleśnikavu: Heta biełahvardziejskaja apazicyja, jak i Jašyn, i Kara-Murza2
Kamientary