U Dziaržaŭnym pamiežnym kamitecie Biełarusi (HPK) prakamientavali infarmacyju, jakaja źjaviłasia ŭ litoŭskich ŚMI ab strełach i sihnalnych rakietach pablizu biełaruska-litoŭskaj miažy.
Jak raspavioŭ aficyjny pradstaŭnik Dziaržpahrankamiteta ahienctvu Sputnik Anton Byčkoŭski, niedaloka ad biełaruska-polskaj miažy sapraŭdy stralajuć, ale heta nie padstava dla bojazi susiednich krain. Pa słovach Byčkoŭskaha, na miažy Biełarusi ź Litvoj i Polščaj prachodziać płanavyja vučeńni.
— U vučebnym centry «Bialany», jaki raźmieščany niedaloka ad miažy, užo niekalki dzion prachodzić bajavoje zładžvańnie padraździaleńniaŭ mabilizacyjnaha reziervu Hrodzienskaj pamiežnaj hrupy. Ź imi pravodziacca zaniatki pa taktycy pahraničnaj słužby, ahulnavajskovy, śpiecyjalnaj i ahniavoj padrychtoŭcy. Strelby, u tym liku načnyja, taksama pravodziacca. Nijakich incydentaŭ, źviazanych z užyvańniem zbroi nie miažy nie było, — raspavioŭ Byčkoŭski.
Raniej u pres-słužbie Dziaržaŭnaha pamiežnaha kamiteta paviedamili, što na miažy Biełarusi ź Litvoj i Polščaj da 12 žniŭnia buduć pravodzicca kompleksnyja apieratyŭna-taktyčnyja vučeńni. U ramkach vučeńnia buduć adpracoŭvacca ŭ tym liku pytańni pa ŭzmacnieńni achovy dziaržaŭnaj miažy, vyjaŭleńnia i likvidacyi uzbrojenych farmiravańniaŭ.
Ciapier čytajuć
«Ja pra mužoŭ-biełarusaŭ čuju tolki: «Nikoli znoŭ!» Čamu bčb-niaviesta Ina Zajcava na hod źnikła z sacsietak i što ź joj ciapier?2
Kamientary