Bolšaść ukraincaŭ vieryć u parazu rasijskaj armii ŭ najbližejšyja tydni
92% ukraincaŭ ličać, što Ukraina zmoža adbić napad Rasii. Tolki 6% nie vierać u heta. Pra heta śviedčać vyniki apytańnia sacyjałahičnaj hrupy Riejtynh, praviedzienaha 8-9 sakavika.
«57% ličać, što Ukraina zmoža pieramahčy ŭ vajnie z Rasijaj užo ŭ najbližejšyja tydni: 18% dumajuć, što ŭkraincy pieramohuć za tydzień, 39% — za niekalki tydniaŭ», — adznačajuć sacyjołahi.
Jašče 18% apytanych ličać, što vajna budzie tryvać niekalki miesiacaŭ, 9% dumajuć, što vajna skončycca za paŭhady-hod albo paźniej.
«Tych, chto zusim nie vieryć u pieramohu, amal niama. 16% nie zmahli adkazać na hetaje pytańnie», — kažuć sacyjołahi.
Najbolšy aptymizm datyčna pieramohi vykazvajuć žychary zachodnich rehijonaŭ, ale paŭsiul pieravažaje dumka, što vajna nie budzie tryvać doŭha.
Apytańnie pravodziłasia siarod 1200 respandentaŭ z usich rehijonaŭ Ukrainy, akramia akupavanaha Kryma i niepadkantrolnych terytoryj Danbasa.
Kamientary