Padrabiaznaści rasśledavańnia faktu hibieli čempijonki śvietu pa viełasporcie, nie paviedamlajucca.
Padrabiaznaści rasśledavańnia faktu hibieli čempijonki śvietu pa viełasporcie, nie paviedamlajucca.
Prypyniena rasśledavańnie kryminalnaj spravy pa fakcie hibieli ŭ darožna-transpartnym zdareńni čempijonki śvietu pa viełasporcie, zasłužanaha majstra sportu Biełarusi Zinaidy Stahurskaj. Pra heta paviedamili ŭ śledčym upraŭleńni papiaredniaha rasśledavańnia UUS Viciebskaha abłvykankama. Jakija-niebudź padrabiaznaści rasśledavańnia nie paviedamlajucca. Ab pryniatym rašeńni prainfarmavanyja rodnyja spartsmienki.
Jak paviedamlałasia raniej, DTZ, u jakim zahinuła 38-hadovaja viełasipiedystka, adbyłosia 25 červienia ŭ 13.45 na 93-m kiłamietry aŭtadarohi miaža RF — Viciebsk — Homiel, dzie Stahurskaja treniravałasia. Aŭtamabil «Chonda», jakim kiravała 42-hadovaja žycharka Sankt-Pieciarburha, ruchajučysia ŭ bok Oršy, pačaŭ pieramiaščacca na pałasu sustrečnaha ruchu, nie źmianiajučy chutkaści. Pa sustrečnaj pałasie na aŭtamabili «VAZ-2104» jechaŭ trenier viełahonščycy, a za im na adlehłaści 10 mietraŭ — spartsmienka. Aŭtamabili raźjechalisia, a viełasipiedystka trapiła pad koły «Chondy», jakaja zatym źjechała ŭ kiuviet. Ad atrymanych traŭm spartsmienka pamierła na miescy. Rasijanka była špitalizavanaja ź ciažkaj čerapna-mazhavoj traŭmaj, unutryčarapnoj hiematomaj, pierałomam nižniaj skivicy, tupoj traŭmaj žyvata.
Pa hetym fakcie była raspačata sprava pa č. 2 art. 317 Kryminalnaha kodeksa (parušeńnie pravił darožnaha ruchu asobaj, jakaja kiravała transpartnym srodkam, što pryviało pa nieaściarožnaści da śmierci čałavieka).
U siaredzinie žniŭnia ŭ śledčym upraŭleńni papiaredniaha rasśledavańnia UUS Viciebskaha abłvykankama BiełaPAN paviedamili, što śledčyja dziejańni pa kryminalnaj spravie ab hibieli Zinaidy Stahurskaj vykananyja. Adnak pryniaćcie rašeńnia tarmozić adsutnaść charaktaryzujučych materyjałaŭ na žančynu-vadziciela, jakaja źbiła viełahonščycu.
Viačasłaŭ Budkievič, BiełaPAN
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty40
Kamientary