Biełarusbank źniziŭ staŭki kredytaŭ na nieruchomaść i aŭtamabili Geely
Biełarusbank źnižaje pracentnyja staŭki pa niekatorych kredytach.
Tak, ad siońnia da 17,5% hadavych źnižajucca pracentnyja staŭki pa znoŭ zaklučanych kredytnych dahavorach dla dakredytavańnia hramadzian, jakija zaklučyli ŭ banku takija dahavory na finansavańnie nieruchomaści ź dziaržpadtrymkaj.
Ciapier staŭki dla ludziej, jakija zaklučyli damovy na budaŭnictva žylla ź dziaržaŭnymi zakazčykami (zabudoŭščykami), składuć 19,5% hadavych. Taksama bank znoŭ pačynaje vydavać kredyty na budaŭnictva (rekanstrukcyju) žyłych pamiaškańniaŭ u roznych zabudoŭščykaŭ niezaležna ad formy ŭłasnaści pad 21,5% hadavych.
Jak i raniej, možna skarystacca partniorskaj prahramaj «Ipateka z nami» z partniorami-dziaržzabudoŭščykami, u tym liku z novymi — DVA «Minskbud» i AAT «Mahiloŭski domabudaŭničy kambinat». Pry hetym staŭka ŭ hrejs-pieryjad (lhotny pieryjad) składzie ad 10,5% hadavych. Hadavaja staŭka pa kredycie «Ipateka ekspres» na kuplu nieruchomaści ciapier składaje 21,5%.
Źmieny zakranuć i pakupnikoŭ aŭtamabilaŭ Geely. Staŭka pa kredycie pa zakančeńni hrejs-pieryjadu źnižanaja da 19,75% hadavych. Na praciahu hrejs-pieryjadu — 8% hadavych.
Da 19,75% hadavych apuścilisia pracentnyja staŭki pa novych ovierdraftnych kredytach z terminam pradastaŭleńnia i pahašeńnia ŭ adzin hod.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty35
Kamientary