Pamior biznesmien Chorst Bieler, zasnavalnik kampanii «Kondar»
Viadomy ŭ Breście i ŭsioj Biełarusi biznesmien niamieckaha pachodžańnia ŭ apošnija hady ciažka chvareŭ i pajšoŭ z žyćcia 10 žniŭnia va ŭzroście 75 hadoŭ, piša «Viečiernij Briest».
Uradženiec Nižniaj Saksonii pryjechaŭ u Biełaruś u 1993 hodzie, a ŭ 1997-m staŭ zasnavalnikam ZTAA «Kondar». Łakafarbavaje pradpryjemstva ź viadomym brendam stała adnym ź pieršych rezidentaŭ SEZ «Brest» — i dahetul pracuje ŭ rehijonie.
Sam Bieler adyšoŭ ad spraŭ u firmie 15 hadoŭ tamu, u 2007 hodzie, kali «Kondar» uvajšoŭ u skład šviedskaha chołdynhu Eskaro Group AB. Ale z Bresta ŭ Hiermaniju nie viarnuŭsia, žyŭ razam z žonkaj Alenaj u Ciuchiničach pad Brestam. Tut razam sa svaimi dziećmi ad pieršych šlubaŭ i ŭdačaronaj u junym uzroście Paŭlinaj para Bieleraŭ viała svaju haspadarku, pieryjadyčna naviedvajučysia na radzimu Bielera ŭ niamiecki Chiercbierh.
U apošnija hady žyćcia Bieler sprabavaŭ viarnucca ŭ biznes, zarehistravaŭšy IP i zajmajučysia arendaj i lizinham budaŭničych mašyn i abstalavańnia.
Kamientary