Uchilistu ad pryzyvu z Hrodna dali hod «chimii». 20% pryzyŭnikoŭ Hrodna naohuł uchilisia ad atrymańnia pozvy
Pakazalny sud nad uchilistam adbyŭsia ŭ Hrodzienskim vajenkamacie. U zału byli zaprošanyja budučyja pryzyŭniki, maładyja ludzi, jakija ciapier prachodziać miedycynskuju kamisiju i ŭ najbližejšy čas adpraviacca ŭ vojska, paviedamlaje «Hrodzienskaja praŭda».
Jak raspavioŭ načalnik adździeła pryzyvu na vajennuju słužbu vajennaha kamisaryjata horada Hrodna i Hrodzienskaha rajona Michaił Paźniakoŭ, raniej małady čałaviek vykarystaŭ adterminoŭku ŭ suviazi z atrymańniem adukacyi. Jon nie zjaviŭsia na miedycynski ahlad pa poźvie biez važkaj pryčyny.
Prysud suda — adzin hod abmiežavańnia voli z nakiravańniem u papraŭčuju ŭstanovu.
Heta pieršy abvinavaŭčy prysud pa vynikach viasnovaj pryzyŭnoj kampanii.
Materyjały jašče na 24 hrodzienskich uchilistaŭ znachodziacca ŭ Śledčym kamitecie na razhladzie.
Viasnovaja pryzyŭnaja kampanija doŭžyłasia ź lutaha pa maj.
Apaviaščeńniu padlahali 1928 maładych ludziej va ŭzroście ad 18 da 27 hadoŭ z Hrodna i Hrodzienskaha rajona.
Amal 20% ź ich uručyć pozvy nie ŭdałosia, tamu što tyja znachodzilisia za miežami krainy abo naŭmysna chavalisia.
20-25 čałaviek z Hrodna i Hrodzienskaha rajona za pryzyŭ stanoviacca ŭchilistami.
— Častka pryzyŭnikoŭ, atrymaŭšy pozvu, źjazdžaje ŭ krainy Jeŭrasajuza, Ukrainu, jakija admaŭlajuć nam u ekstradycyi, spasyłajučysia na toje, što ŭ ich za hetaje dziejańnie kryminalnaja adkaznaść nie praduhledžanaja, — adznačyŭ Michaił Paźniakoŭ.
1 žniŭnia pačaŭsia vosieński pryzyŭ. Pozvy z vajenkamata ŭ Hrodna i Hrodzienskaha rajona atrymajuć amal 3300 čałaviek. Kala 60 pracentaŭ ź ich, pavodle papiarednich źviestak, atrymajuć adterminoŭki na roznych padstavach.
Kamientary