Abaronnyja kampanii Ispanii i FRH prystupiać da sumiesnaj raspracoŭki sistem pierachopu hipierhukavoj zbroi, paviedamlaje vydańnie Defense news. Raspracoŭka prajekta pad nazvaj European Hypersonic Defense Interceptor (EU HYDEF) abyjdziecca jeŭrapiejskim krainam u 110 młn jeŭra.
Nad sistemaj pierachopu buduć pracavać ispanskaja kampanija Sener Aerospacial Sociedad Anonima i niamieckaja Diehl Defence. Pieršaja zojmiecca kaardynacyjaj prajekta, a druhaja — ahulnym techničnym kiraŭnictvam.
U kampanij užo jość sumiesny vopyt pracy nad niamieckaj SPA IRIS-T. «Meta — stvaryć jeŭrapiejski pierachopnik suprać pahroz na pieryjad da 2035 hoda i dalej», — piša vydańnie sa spasyłkaj na dakumienty Jeŭrasajuza.
Raboty buduć iści pad ehidaj Jeŭrapiejskaha abaronnaha fondu. Realizacyja prahramy raźličanaja na 1,5 hoda. Novy raspracavany pierachopnik płanujuć intehravać u sistemy SPA, atrymaŭšy mahčymaść procidziejničać takim pavietranym srodkam paražeńnia, jak hipierhukavaja zbroja i balistyčnyja rakiety.
Jeŭrapiejskaja kamisija abviaściła ŭ lipieni pra płany vydzielić kala 1,2 młrd jeŭra dla 61 prajekta pa daśledavańniach i raźvićci ŭ halinie abarony.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie5959
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie59
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary