15 vieraśnia pad Iziumam na Charkaŭščynie znajšli masavyja pachavańni zahinułych vajskoŭcaŭ USU i cyvilnych asob. Pra heta paviedamlaje Radyjo Svaboda.
Pachavańni znajšli ŭ lesie, dzie padčas akupacyi rasijskimi vojskami horada Izium u pieryjad z 2 krasavika pa 15 vieraśnia chavali cyvilnaje nasielnictva ŭ biezymiennych mahiłach.
Na niekatorych mahiłach jość vianki. Na kryžach, ustanoŭlenych nad miescami pachavańniaŭ, vidać nadpisy: «USU, 17 čałaviek, z morhu», «345», «412».
Pakul nieviadomaja dakładnaja kolkaść asob, jakija pachavanyja ŭ mahiłach. Ciapier idzie raźminiravańnie terytoryi.
Raniej ab hibieli ŭ Iziumie nie mienš za tysiačy cyvilnych asobaŭ paviedamlaŭ deputat Iziumskaj haradskoj rady Maksim Strelnikaŭ. «Zhodna z toj infarmacyjaj, jakoj my vałodajem, minimum tysiača miascovych hramadzian zahinuli z pryčyny vajennych dziejańniaŭ. Ale, na žal, jašče bolš ludziej paciarpieli, tamu što im nie zmahli svoječasova akazać miedycynskuju dapamohu. Rasijskija akupanty jašče ŭ sakaviku źniščyli ŭsie miedustanovy ŭ Iziumie», — zajaviŭ deputat.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA6
Kamientary
Riejch dołžien byť razrušien