Imihrantka z Biełarusi Łarysa Śviečyn stała meram horada Sani-Ajłs-Bič u štacie Fłaryda. Zhodna z aficyjnymi vynikami vybaraŭ, jana na niekalki dziasiatkaŭ hałasoŭ abyšła svaju kankurentku, paviedamlaje slavicsac.com.
U jakaści mera Łarysa Śviečyn abiacaje palepšyć infrastrukturu horada, u tym liku zaniacca ramontam daroh i inviestavać u pieradavyja raspracoŭki ŭ śfiery biaśpieki.
Taksama novaabrany mer budzie pracavać dla stvareńnia «biaśpiečnych miescaŭ dla dziaciej, pažyłych i maładych ludziej», u pryvatnaści jana paviedamiła, što kamjunici maje patrebu ŭ «śpiecyjalnym patruli na plažy». Akramia hetaha, palityk abiacaje stvaryć spartovyja kompleksy dla dziaciej i moładzi, a taksama vialiki park dla sabak.
Pad kiraŭnictvam novaha mera praces atrymańnia paśviedčańnia asoby rezidenta stanie sproščanym. «Urad pavinien lepš pracavać na nas!» — kaža spadarynia Śviečyn.
Łarysa Śviečyn — imihrantka ź Biełarusi, z Homiela, maci 4 dziaciej, nie pa čutkach viedaje ab prablemach imihrantaŭ u Paŭdniovaj Fłarydzie, asabliva — vychadcaŭ z SND i byłych respublik SSSR.
Sani-Ajłs-Bič — nievialiki horad u Fłarydzie ŭ vakolicach Majami z nasielnictvam u 21 tysiaču čałaviek. Z-za vialikaj kolkaści ruskamoŭnaha nasielnictva horad nazyvajuć «maleńkaj Maskvoj».
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary
Dostatočno vspomniť rybaka so skripkoj! Niejeiejeiet, nie norvieh)
Kłouny