Makiej zahavaryŭ pra niezvarotnaść
Biełaruś spadziajecca na poŭnaje źniaćcio sankcyj, zajaviŭ na adkryćci «Minskaha forumu» kiraŭnik Administracyi prezidenta.
U adroźnieńnie ad minułaha hoda dyskusii na adkryćci «Minskaha forumu» nie praduhledžvałasia, tamu Uładzimiru Makieju nie pryjšłosia adkazvać na niepryjemnyja pytańni. Kiraŭnik Administracyi prezidenta, jaki razam z pasłom Vajsam i kiraŭnikom Uschodniaha kamitetu niamieckaj ekanomiki praf. Manholdam forum adkryvaŭ, vystupaŭ upeŭniena i žyćciaradasna.Na samym pačatku jon zajaviŭ, što raźličvaje na aktyŭny ŭdzieł niamieckich partnioraŭ u pryvatyzacyi. Paraŭnaŭ narmalizacyju adnosinaŭ Jeŭropy ź Biełaruśsiu z padzieńniem Bierlinskaj ściany ŭ ahulnajeŭrapiejskim maštabie. Za apošni hod, skazaŭ jon, było dasiahnuta bolš, čym za ŭsie papiarednija hady izalacyi.
I pracytavaŭ słovy Dali Hrybaŭskajte, jakimi taja adkazała na krytyku Sańnikava ŭ Ryzie pra biasplonnaść palityki izalacyi.
Akramia Hrybaŭskajte, jon pracytavaŭ Hiote: «Toj, chto choča stupać upeŭniena, pavinien stupać pavoli». I zaklikaŭ da ciarpieńnia.
U paraŭnańni ź minułym hodam u Makieju dadałosia ŭpeŭnienaści i publičnaści. U im stała bolš čahości takoha pucinskaha ŭ intanacyjach.
Pamyłkova aceńvać situacyju ŭ Biełarusi tolki pa
Biełaruś spadziajecca na poŭnaje źniaćcio sankcyj u listapadzie. Usie inakšyja rašeńni buduć pieraškodaj, — stroha, ale niejak paśpiešliva zajaviŭ jon. I, nie zrabiŭšy naležnaj paŭzy, pajšoŭ hanić taktyku bizuna i piernika, vystupać za ŭciahvańnie krainy ŭ intehracyju biez papiarednich umovaŭ.
A ŭ čym intehracyja? Biełaruś zacikaŭlenaja ŭ kredytach i inviestycyjach, zajaviŭ jon i doŭha pieraličvaŭ ustanovy, ad jakich takoŭskija mohuć prypłyć. U toj ža čas
«Biełaruś nie stavić zadačy poŭnaha ci asacyjavanaha členstva ŭ Jeŭrasajuzie», skazaŭ Makiej.
Jon zaklikaŭ da źmiakčeńnia vizavaha režymu, pryvioŭšy ličby: u 2008 hodzie Jeŭrasajuz naviedali na 20% hramadzianaŭ Biełarusi mienš, čym u
Skončyŭ jon cytataj sa Špenhlera pra niezvarotnaść usiaho taho, što adbyvajecca (pry hetym Osvalda Špenhlera nazvaŭ Ota). U zale kožny zrazumieŭ cytatuAle entuzijazmu jana nie vyklikała.pa-svojmu .
* * *
13 akredytavanych u Miensku pasłoŭ, a ŭsiaho — pradstaŭniki 21 krainy prysutničali na adkryćci XII «Minskaha forumu», što prachodzić z 4 pa 6 listapada ŭ Minskim mižnarodnym adukacyjnym centry imia Jahanesa Raŭ.Sioleta jaho tema — «Biełaruś i Uschodniaje partniorstva: pierśpiektyvy raźvićcia ŭ śfierach palityki, ekanomiki i hramadstva». Na forum źjeducca ŭradoŭcy, navukoŭcy, deputaty z roznych jeŭrapiejskich dziaržavaŭ.
U adkryćci forumu majuć uziać udzieł pasły FRH i Šviecyi Hiebchart Vajs i Stefan Eryksan, namieśnik ministra zamiežnych spraŭ Litvy Evałdas Ihnatavičus, staršynia Uschodniaha kamiteta hiermanskaj ekanomiki Kłaŭs Manhold.
Na Forumie buduć pracavać try pracoŭnyja hrupy: «Zamiežnaja palityka: Biełaruś — susied u Jeŭropie», «Ekanomika: novyja zadačy ekanamičnaj palityki», «Hramadstva: novyja formy ŭzajemadziejańnia pamiž dziaržavaj i hramadstvam».
U svaim vystupie Kłaŭs Manhold padtrymaŭ Makieja adnosna «nieabchodnaści ciarpieńnia». «Za kožnaj idejaj pavinny stajać ludzi. Nie treba prychodzić siudy [u Biełaruś] z bačańniami», — zajaviŭ jon.
Manhold, miž inšym, paviedamiŭ, što jon sioleta ŭ Biełarusi «čaćviorty ci piaty raz».
Kamientary