U Polščy zatrymali jašče troch čałaviek z rasijskaj špijonskaj sietki
Dniami Ahienctva ŭnutranaj biaśpieki Polščy (ABW) zatrymała jašče troch čałaviek, jakija dziejničali ŭ ramkach niadaŭna raskrytaj rasijskaj špijonskaj sietki. Pra heta Polskamu pres-ahienctvu paviedamiŭ namieśnik ministra — kaardynatara śpiecsłužbaŭ Polščy Stanisłaŭ Žaryn.
Usiaho, takim čynam, pa hetaj spravie ŭžo zatrymanyja 12 čałaviek.
«ABW ustanaviła dalejšych asob, jakija dziejničali ŭ ramkach špijonskaj sietki, likvidavanaj raniej. My majem spravu z zatrymanymi, jakim byli pradjaŭlenyja abvinavačvańni ŭ špijonskaj dziejnaści i funkcyjanavańni ŭ arhanizavanaj złačynnaj hrupie, a taksama z asobami, jakija ciapier znachodziacca pad vartaj, zhodna z adpaviednym sudovym rašeńniem», — paviedamiŭ Žaryn.
Jon dadaŭ, što karcina dziejnaści hrupy, jakaja była vyznačanaja paśla papiarednich zatrymańniaŭ, zastajecca aktualnaj.
«Havorka idzie pra asobaŭ, jakija dziejničali ŭ składzie hrupy, jakoj kiravali rasijskija śpiecsłužby. Jany vykonvali peŭnyja zadačy pa daručeńni rasijskich śpiecsłužbaŭ, jakija źjaŭlajucca častkaj dziejnaści typova raźviedvalnaha charaktaru, ale taksama i prapahandysckaha. Heta cełaja sietka ludziej, jakija mieli zadaču źbirać infarmacyju ab maršrutach i transpartnych srodkach, jakija dajucca Ukrainie, ale hetyja ludzi taksama raspaŭsiudžvali śpiecyfičny kantent, zamoŭleny rasijskim bokam u ramkach aktyŭnaj prapahandysckaj dziejnaści suprać Polščy», — adznačyŭ jon.
Namieśnik ministra — kaardynatara śpiecsłužbaŭ padkreśliŭ, što sprava «patrabuje šyrokich aktyŭnych zachadaŭ z boku ABW, jakomu dapamahajuć inšyja słužby».
Upieršyniu pra toje, što Ahienctva ŭnutranaj biaśpieki likvidavała špijonskuju sietku, jakaja dziejničała na karyść Rasii, zajaviŭ kiraŭnik Ministerstva ŭnutranych spraŭ i ministr — kaardynatar śpiecsłužbaŭ Maryjuš Kamiński 16 sakavika.
Vajskovaja kontrraźviedka Polščy vyjaviła jašče adnaho inšaziemca, jakoha padazrajuć u pracy na łukašenkaŭskija śpiecsłužby
U Polščy zatrymali jašče adnaho rasijskaha špijona. Jaho hramadzianstva nie raskryvajecca
Novyja detali pra zatrymanych u Polščy biełarusaŭ, jakich vinavaciać u špijanažy na karyść Rasii
Prapahanda spačatku ich abialała, a paśla źmianiła ton. Što viadoma pra zatrymanych u Polščy biełarusaŭ, jakich vinavaciać u špijanažy na karyść Rasii
Čamu YouTube vydaliŭ kanały BiełTA, STB i ANT? Voś što viadoma11
Kamientary