Litoŭski parłamient, Siejm, pryniaŭ rezalucyju ab asnoŭnych metach krainy na samicie NATA ŭ Vilni, zapłanavany na 11-12 lipienia. U dakumiencie prapanujecca zaprasić Ukrainu ŭ Aljans i zabiaśpiečyć Kijevu «poŭnuju padtrymku praktyčnymi mierami».
Za rezalucyju adnahałosna prahałasavali ŭsie 129 deputataŭ, jakija ŭdzielničali ŭ hałasavańni (usiaho ich u Siejmie 141). Staršynia parłamienckaha Kamiteta pa mižnarodnych spravach Žyhimantas Pavilonis zajaviŭ, što zaprašeńnie Kijeva ŭ Aljans «abvierhnie prava vieta Rasii pa ŭstupleńni Ukrainy» i zrobić sajuz bolš tryvałym, umacavaŭšy tym samym litoŭskuju biaśpieku.
U kancy vieraśnia minułaha hoda prezident Ukrainy Uładzimir Zialenski pa vynikach pasiadžeńnia Rady nacyjanalnaj biaśpieki i abarony abviaściŭ, što kraina padaje zajaŭku na ŭstupleńnie ŭ NATA ŭ paskoranym paradku. «De-fakta my ŭžo prajšli svoj šlach u NATA. De-fakta my ŭžo dakazali sumiaščalnaść sa standartami Paŭnočnaatłantyčnaha aljansu», — zajaviŭ jon.
Maskva nieadnarazova zajaŭlała, što ličyć mahčymaje ŭstupleńnie Ukrainy ŭ NATA krytyčnaj pahrozaj svajoj biaśpiecy. Pierad lutaŭskim uvarvańniem va Ukrainu Kreml patrabavaŭ nie dapuścić ustupleńnia Ukrainy ŭ Aljans.
Hienieralny sakratar NATA Jens Stołtenbierh užo paśla pačatku ŭvarvańnia zajaŭlaŭ, što dźviery dla ŭstupleńnia Kijeva ŭ Aljans adčynienyja, ale ciapier uvaha zasiarodžana na padtrymcy abarony Ukrainy ad rasijskaha ŭvarvańnia. Mnohija vajennyja ekśpierty miarkujuć, što ŭstupleńnie krainy niemahčyma jak minimum da zaviaršeńnia aktyŭnych bajavych dziejańniaŭ.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni6
Kamientary
Tami ciel čtoby ruskija s ukraincymi vajavali!! Nie boleje.. nikakije druhije strany v etom učastvovať nie chotiat!