Twitter znoŭ lichamanić: płatnyja ptuški vieryfikacyi źjavilisia ŭ profilach pamierłych zorak
Sinija ptuški, u pryvatnaści, źjavilisia na staronkach baskietbalista Kobi Brajanta, vakalista Linkin Park Čestara Beninhtana i navat pamierłaha ŭ 2009 hodzie śpievaka Majkła Džeksana.
Pry naciskańni na siniuju hałačku źjaŭlajecca paviedamleńnie pra toje, što ŭlikovy zapis paćvierdžany, bo karystalnik «padpisany na Twitter Blue i paćvierdziŭ svoj numar telefona». Niajasna, chto moh apłacić padpisku dla ŭlikovych zapisaŭ, jakija zastavalisia nieaktyŭnymi mnohija hady.
U kampanii Twitter, jakaja bolš nie maje pres-słužby, nie adkazali na zapyty žurnalistaŭ.
Raniej sinija ptuški ŭ tvitary śviedčyli pra toje, što staronka sapraŭdnaja, ciapier — što karystalnik apłaciŭ padpisku. U krasaviku raniejšyja sinija hałački stracili Kryšcijanu Ranałdu, papa Francišak i inšyja viadomyja ludzi i miedyja, u tym liku i «Naša Niva».
Čytajcie taksama:
Twitter pačaŭ vydalać sinija ptuški vieryfikavanych akaŭntaŭ
Kamientary
a što vy stracicie biez hetaj hałački?
ja ŭvohule nie viedaju, što takoje Twitter... i voś niejak ža žyvu)