«Biełpošcie» ŭdałosia pierabudavać łahistyku, jakaja parušyłasia z-za sankcyj, ale ź niekatorymi dziaržavami paštovaha złučeńnia niama.
Ź Biełarusi ciapier nielha adpravić listy ŭ Finlandyju i va Ukrainu, paviedamiła žurnalistam hiendyrektarka «Biełpošty» Śviatłana Jurkievič, piša «Sputnik».
Taksama z hetych krain u Biełaruś nie idzie karespandencyja.
«ZŠA častkova… My tudy adpraŭlajem, a da nas jany nie prymajuć», — dadała Jurkievič.
Pavodle jaje słoŭ, raniej sankcyi šerahu krain stvaryli prablemy dla łahistyki, ale ciapier maršruty pierabudavanyja. Z-za hetaha niekatoryja adpraŭleńni mohuć iści daŭžej. U tym liku, tak adbyvajecca praz zamienu avijapieravozak na aŭtapieravozki.
U 2020 hodzie ŭ «Biełpošty» byli časovyja ciažkaści z adpraŭkaj pasyłak. Niejki čas jany prymalisia tolki dla adrasataŭ, jakija znachodziacca ŭ Kitai ci Rasii. Byli takija prablemy i ź listami. Asnoŭnaj pryčynaj stali zboi ŭ avijapieravozkach na fonie pandemii karanavirusa. Niekatoryja napramki zakrylisia całkam.
A letam 2022 hoda paŭstali novyja prablemy paśla taho, jak Asacyjacyja jeŭrapiejskich paštovych apierataraŭ PostEurop prypyniła členstva jak «Biełpošty», tak i «Pošty Rasii».
Asnoŭny biełaruski paštovy apieratar zachavaŭ členstva ŭ asnoŭnaj halinovaj struktury — Suśvietnym paštovym sajuzie.
Razam z «Biełpoštaj», licenzii paštovych apierataraŭ u krainie majuć jašče bolš za dva dziasiatki kampanij. Ale samaja vialikaja sietka adździaleńniaŭ ciapier u dziaržapieratara.
Kamientary
v Hołandii potieriałos…
A finskije upravlency da ,oni diemokratizirovaliś diemokratizirovaliś i vydiemokratizirovaliś do paranoji.