Paśla taho, jak u kancy maja Palina, stamiŭšysia ad žorstkaha cisku i pieraśledu ŭ kałonii, admoviłasia ad biełaruskaha hramadzianstva, administracyja kałonii pryniała rašeńnie skiravać jaje na psichijatryčna-sudovuju ekśpiertyzu.
Pra heta paviedamiŭ jaje muž Andrej, jaki ciapier pražyvaje z dvuma niepaŭnaletnimi synami ŭ Vilni. Pavodle jaho, 27 červienia im stała viadoma, što Palina ŭžo ŭ adździele ekśpiertyz u psichijatryčnym centry «Navinki».
Nahadajem: paśla taho, jak u kancy maja Palina, stamiŭšysia ad žorstkaha cisku i pieraśledu ŭ kałonii, admoviłasia ad hramadzianstva Respubliki Biełaruś, administracyja kałonii pryniała rašeńnie skiravać jaje na psichijatryčna-sudovuju ekśpiertyzu. Chacia 2 hady tamu Palina prachodziła ŭžo ekśpiertyzu ŭ hetaj ustanovie, tam jaje pryznali zdarovaj.
Jak kaža Andrej, maci Paliny ŭdałosia pieradać praduktovuju pieradaču, bo žančyna ŭžo hod naohuł nie jeła sadaviny i harodniny. Adnak leki, jakija žyćciova nieabchodnyja dla arhanizma źniavolenaj, nie ŭziali, spasyłajučysia na toje, što «tut usio jość».
Jak udałosia daviedacca ŭskosnym čynam, pieradaču ź lekami nie ŭziali, bo «Palina siabie drenna pavodziła», jak piša «Viasna».
***
Palinu Šarendu-Panasiuk zatrymali na pačatku studzienia 2021 hoda i zatym asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana pavinna była vyjści letam.
Ale ŭ minułym hodzie jaje asudzili pa art. 411 KK da jašče adnaho hoda kałonii. U krasaviku 2023 hoda suprać jaje zaviali ŭžo novuju spravu — za «złosnaje niepadparadkavańnie administracyi kałonii».
Kamientary
voś, kamu cikava -
Sovriemiennaja karatielnaja psichiatrija v Rośsii i Biełarusi. Dokumientalnyj film «K U Ł A Z I N» - youtube.com/watch?v=JgW7UdXNELc
to bok heta moža być šče horš, čym turma (a "paradki" i prynižeńni tam mohuć być dosyć padobny), tamu što dajuć preparaty