Para — a Brytni na 12 hadoŭ starejšaja — upieršyniu sustrełasia na zdymkach muzyčnaha klipa Śpirs u 2016 hodzie i ažaniłasia na nievialikaj, ale zornaj cyrymonii ŭ červieni 2022 hoda.
Pop-zorka Brytni Śpirs i jaje muž Sem Ashary rasstalisia paśla 14 miesiacaŭ šlubu, paviedamlaje Bi-bi-si.
Para ŭpieršyniu sustrełasia na zdymkach muzyčnaha klipa Śpirs u 2016 hodzie i ažaniłasia na nievialikaj, ale zornaj cyrymonii ŭ červieni 2022 hoda.
29-hadovy Ashary padtrymaŭ 41-hadovuju Śpirs u lačeńni jaje psichičnaha zdaroŭja i ŭ pracesie zaviaršeńnia apiakunstva, jakoje mieŭ nad joj jaje baćka.
Ale čutki ab ich šlubnych sprečkach ablacieli tabłoidy ZŠA.
Pradstaŭniki Śpirs i Ashary pakul nie dali kamientaroŭ.
Pieršym hetuju navinu apublikavała vydańnie TMZ, a krynica paćvierdziła navinavamu ahienctvu Associated Press, što Ashary padaŭ na razvod.
Madel i fitnes-trenier irana-amierykanskaha pachodžańnia paznajomiŭsia sa Śpirs padčas zdymak klipa na pieśniu Slumber Party.
Jon adyhraŭ klučavuju rolu padčas jaje baraćby pa apiakunstvie z baćkam Džejmi, apranaŭ futbołku Free Britney i vykładvaŭ fota ŭ Instagram pierad važnym sudovym słuchańniem.
Ashary zrabiŭ prapanovu Śpirs u svaim domie ŭ vieraśni 2021 hoda.
Padčas zaručyn para abviaściła, što čakaje svajo pieršaje dzicia, ale paźniej paviedamiła, što ŭ jaje zdaryŭsia vykidak.
Ich viasielle ŭ domie supierzorki ŭ Taŭziend-Oŭks, štat Kalifornija, było intymnym i ŭ toj ža čas raskošnym, na im prysutničali takija znakamitaści, jak Perys Chiłtan, Madona i Dru Berymar.
Ale niadaŭna paru zaŭvažyli na publicy biez zaručalnych kolcaŭ.
Śpirs jašče nie abviaściła pra razryŭ u sacyjalnych sietkach. Jaje apošni post u Instagram, apublikavany paśla źjaŭleńnia skandalnych navin, paviedamlaŭ tolki ab płanach kupić kania.
Razvod adbyvajecca ŭ toj čas, kali Śpirs rychtujecca apublikavać svaje miemuary «Žančyna ŭva mnie» ŭ kastryčniku hetaha hoda.
Raniej jana była zamužam za siabram dziacinstva Džejsanam Alaksandram na praciahu 55 hadzin u 2004 hodzie i repieram Kievinam Fiederłajnam z 2004 da 2007 hoda. Ad Fiederłajna ŭ jaje dvoje dziaciej.
Kamientary