Litva ŭ karcinkach

U Minsku adkryłasia vystava litoŭskaj pres‑fatahrafii: 2 śniežnia adkryćcio prajšło ŭ zali kinateatra «Centralny», 3 śniežnia — u aŭtamabilnym centry «Kia Motors». Pradstaŭlenyja na vystavie pracy prademanstravali admietnaści i aŭtentyčnaść litoŭskaj škoły pres‑fatahrafii.

Kali dumaješ pra vyjavy Litvy, to ŭjaŭlaješ pryciahalnyja kutki staroj Vilni, dziaŭčat‑tancorak u nacyjanalnych kaściumach ci zachad sonca nad Bałtykaj. Adnak, pryjšoŭšy na vystavu, adznačaješ, što litoŭskija fotareparciory daŭno adyšli ad standartaŭ turystyčnych paštovak i adlustravańnia bieskłapotnych idylij novajeŭrapiejskaha kraju.

Sieryja pra zalevu: voś mužčyna siadzić u zalitaj vadoj chacie ŭ atačeńni staroj mebli, takoj, jakoj poŭniacca i biełaruskija chaty. Traktar «Biełaruś» adolvaje zatoplenuju darohu, chłopčyk dastaje kata z dachu, a na fonie — zakatki ŭ słoikach na padvakońni sialanskaj chaty. Ci inšy pahlad: pažar u kaściole, valić dym, na ziamlu padaje vieža ŭ ahni. Važna‑niavažna? Heta žyćcio krainy, jakoje fotakarespandent pavinien adlustroŭvać. Niachaj heta nie drama vajny ŭ Iraku, niachaj nie karnavał u Ryo, ale maleńkija rečy,

jakija ŭ maštabie maleńkaha kraju nabyvajuć značnaść.

Arhanizatarami mierapryjemstva vystupili fotahalereja «ZNJaTA», pasolstva Litoŭskaj Respubliki i Kłub pres‑fatohrafaŭ Litvy. Akurat prafiesijnaje žury hetaha Kłuba pravodziła adbor lepšych pres‑zdymkaŭ Litvy 2008 hoda, jakija i sfarmavali vystavu. Śpiecyfikaj hetaha konkursu byŭ bolš šyroki, čym pryniata, dyjapazon žanraŭ fatahrafii. Heta nie tolki tradycyjnyja «Naviny», «Kultura», «Sport», ale taksama «Armija», «Pryroda i abarona navakolnaha asiarodździa», «Partret», «Hłamur».

Mahčyma, mienavita hetyja žanry dadajuć niezvyčajnaści vystavie, jakuju možna nazvać nie tolki žrpresavaj, ale i mastackaj. Jość kadry pastanovačnyja, jość partrety i navat art‑chaŭsnaje. «Hłamurnaja» častka fotavystavy pradstaŭlena ŭ simvaličnym miescy: u aŭtamabilnym centry. Pradstavić płošču pad vystavu prapanavaŭ sam dyrektar centra, vialiki amatar fatahrafii.

Na žal, zdymki nie supravadžalisia nazvaj i kantekstam vyjavy, praz što mnohaje zastajecca niezrazumiełym dy dvusensoŭnym, asabliva dla biełaruskaha hledača. Adnak arhanizatary paabiacali vypravicca da nastupnaj vystavy lepšych pres‑fota Litvy-2009, što maje adbycca ŭ lutym‑sakaviku nastupnaha hoda.

Ubačyć vystavu jość mahčymaść da 22 śniežnia. Jana pradstaŭlenaja ŭ troch załach: halerei «ZNJaTA» ŭ kinateatry «Centralny», aŭtacentry «KIA Motors» na Baravoj, 7 i ŭ zali «Centr‑Videa» u handlovym centry «Stalica».

• 0
• 0
• 0
• 0
• 0
• 0
• 0
• 0