Biełaruś i Rasija ŭzajemna sprościać zamienu paśviedčańniaŭ kiroŭcy
Biełarusy ŭžo ŭ nastupnym hodzie atrymajuć mahčymaść zamianić biez zdačy ekzamienaŭ paśviedčańni kiroŭcy na rasijskija, a rasijanie — na biełaruskija, paviedamiŭ staršynia pastajannaj kamisii Savieta Respubliki pa zakanadaŭstvie i dziaržaŭnym budaŭnictvie Siarhiej Siviec.
Pa słovach Siŭca, na pasiadžeńni kamisii Parłamienckaha schodu Sajuza Biełarusi i Rasii pa zakanadaŭstvie i rehłamiencie «razhledzieli pytańni, źviazanyja z mahčymaściu zamieny paśviedčańnia kiroŭcy, jakoje daje prava na kiravańnie transpartnym srodkam jak dla hramadzian Rasijskaj Fiederacyi na terytoryi Respubliki Biełaruś, tak i dla hramadzian Respubliki Biełaruś na terytoryi RF biez prafiesijnaha navučańnia i zdačy adpaviednaha ekzamienu ŭ adpaviednaj dziaržavie».
«Heta značyć, na padstavie raniej vydadzienych nacyjanalnych dakumientaŭ», — udakładniŭ deputat.
Jon paviedamiŭ, što, «pavodle infarmacyi, padadzienaj kamisijaj, dakładna ŭ pieršym paŭhodździ 2024 hoda, mahčyma, i raniej, usie hetyja narmatyŭna-pravavyja dakumienty buduć pryniatyja i Respublikaj Biełaruś, i Rasijskaj Fiederacyjaj».
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty21
Kamientary