Hierchard Šroder prajhraŭ pazoŭ Bild z-za intervju Navalnaha, jaki nazvaŭ jaho «chłopčykam na pabiahuškach u Pucina»
Taksama Navalny dapuściŭ, što były kancler atrymlivaje «tajemnyja płaciažy» ad rasijskich uładaŭ.
Palityk źviarnuŭsia ŭ sud paśla taho, jak u kastryčniku 2020 hoda hazieta apublikavała intervju lidara rasijskaj apazicyi Alaksieja Navalnaha. U im jon nazyvaŭ Šrodera «chłopčykam na pabiahuškach u Pucina, jaki abaraniaje zabojcaŭ», piša «Mieduza».
Taksama Navalny dapuściŭ, što były kancler atrymlivaje «tajemnyja płaciažy» ad rasijskich uładaŭ, padkreśliŭšy, što heta jaho asabistaja dumka.
Šroder nie staŭ sudzicca z samim Navalnym, ale zapatrabavaŭ ad Bild nie raspaŭsiudžvać «nieabhruntavanyja śćviardžeńni». Jon taksama pahražaŭ pazovami inšym vydańniam, jakija buduć pieradrukoŭvać frahmienty intervju.
Jak adznačaje Bild, pazoŭ byŭ adchileny 8 sakavika. Ciapier, kali vyjšaŭ termin padačy apielacyi, rašeńnie nabyło zakonnuju siłu, i Šroderu pryjdziecca nieści vydatki pa šmathadovaj sudovaj sprečcy.
Hierchard Šroder zajmaŭ pasadu kanclera Hiermanii z 1998 pa 2005 hod. Paśla adstaŭki jon uznačaliŭ saviet dyrektaraŭ kampanii-apieratara prajekta «Paŭnočny patok». Ź vieraśnia 2017-ha pa maj 2022 hoda Šroder byŭ staršynioj rady dyrektaraŭ «Rasnafty». Zachodnija ŚMI nieadnarazova nazyvali jaho blizkim siabram Uładzimira Pucina.
Kamientary
Mahčyma tyja samyja, jakija da 2020/2022 abzyvali "rusofobami".