Šviecyja anansavała embarha na pastaŭki rasijskaha zvadkavanaha pryrodnaha hazu i sankcyi suprać naftavych tankieraŭ
Na impart rasijskich nafty i naftapraduktaŭ dziejničajuć cenavyja abmiežavańni. Trubapravodny haz i zvadkavany pryrodny haz z Rasii nie pad sankcyjami.
Nastupny pakiet sankcyj Jeŭrasajuza pavinien uklučać kroki suprać «cieniavoha fłotu» tankieraŭ, jakija pieravoziać rasijskuju naftu ŭ abychod sankcyj, zajaviŭ ministr zamiežnych spraŭ Šviecyi Tobias Bilstrom pierad sustrečaj ministraŭ zamiežnych spraŭ ES u Luksiemburhu, piša Bi-bi-si.
«Pryniaćcie 14-ha pakieta sankcyj — adna z samych važnych rečaŭ», — cytuje jaho Reuters.
«My pakłapocimsia ab tym, kab uklučyć zabaronu na impart zvadkavanaha pryrodnaha hazu, a taksama miery pa abmiežavańni rasijskaha cieniavoha fłotu», — dadaŭ kiraŭnik MZS Šviecyi.
Abmierkavańnie pakieta sankcyj znachodzicca na rańniaj stadyi, jon nie budzie pryniaty na sustrečy ŭ Luksiemburhu, zaznačaje Reuters.
Na impart rasijskich nafty i naftapraduktaŭ dziejničajuć cenavyja abmiežavańni. Trubapravodny haz i ZPH z Rasii nie pad sankcyjami.
Pa vyznačeńni Jeŭrakamisii, u skład «cieniavoha fłotu» (shadow fleet) uvachodziać staryja sudny, jakija naležać nieviadomym uładalnikam abo strukturam, jakija chavajuć bienieficyjaraŭ i jakija ŭdzielničajuć u handli naftaj, što padpadaje pad sankcyi, z vykarystańniem roznych padmannych mietadaŭ, pisaŭ Forbes.
Ahienctva Bloomberg śćviardžała raniej, što ŭ 2023 hodzie rasijskaja nafta, pastaŭki jakoj ažyćciaŭlalisia pa mory, pradavałasia pa canie vyšej za ŭstanoŭlenuju cenavuju stolu 60 dołaraŭ za barel. Pa infarmacyi vydańnia, dla abychodu sankcyj vykarystoŭvajucca tankiery, jakija farmalna chodziać pad ściahami krain, jakija nie dałučylisia da sankcyj, a faktyčna naležać rasiejskim kampanijam.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA5
Kamientary