«Heta nie vyklučana. My dakładna viedajem niebiaśpieku tyktoku», — skazała Ursuła fon der Lajen.
U Jeŭrasajuzie mahčymaja zabarona sacsietki tyktok, jak i ŭ ZŠA, pra heta zajaviła staršynia Jeŭrakamisii Ursuła fon der Lajen na pieradvybarnych debatach, paviedamlaje Politico.
«Heta nie vyklučana. My dakładna viedajem niebiaśpieku tyktoku», — skazała jana.
Fon der Lajen nahadała, što Jeŭrakamisija był «samaj pieršaj ustanovaj u śviecie, jakaja zabaraniła tyktok na svaich karparatyŭnych telefonach» u lutym minułaha hoda.
Prezident ZŠA Džo Bajden 24 krasavika padpisaŭ zakonaprajekt, jaki zabaronić tyktok u krainie, kali ŭładalnik płatformy, kitajskaja technałahičnaja kampanija ByteDance, nie pradaść biznes na terytoryi ZŠA na praciahu nastupnych 270 dzion. Kitajski bok daŭ zrazumieć ByteDance, što prymusovy prodaž tyktoku niepažadany i što zabarona sacsietki ŭ ZŠA dla KNR važniej.
Pretenzii amierykanskich uładaŭ da sacsietki źviazanyja z tym, što zbor źviestak pra karystalnikaŭ tyktok u ZŠA ŭjaŭlaje pahrozu nacyjanalnaj biaśpiecy. Kampanija ž abiacała, što nie budzie pieradavać ich kitajskamu ŭradu, navat kali Piekin hetaha zapatrabuje. U ZŠA tyktokam karystajecca kala 170 miljonaŭ čałaviek.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary