Hramadstva1717

Kavaleŭski piarečyć Łatušku i raskazvaje, što zapavolvaje praces z pašpartam Novaj Biełarusi

Pradstaŭnik pa zamiežnych spravach Abjadnanaha pierachodnaha kabinieta Valer Kavaleŭski raspavioŭ «Našaj Nivie» pra hałoŭnuju pryčynu, jakaja tarmazić praces z pašpartami Novaj Biełarusi.

Valer Kavaleŭski

Adna z asnoŭnych prablem, jakaja prypyniła ruch prajekta — niemahčymaść padabrać kadry pad orhan vydačy pašpartoŭ.

«Mnohija biełarusy razumiejuć, što publičnaść na čale takoha prajekta budzie aznačać padvyšany intares da ich z boku režymu. Nie ŭsie hatovyja iści tak daloka. Užo nie adna kandydatura admoviłasia ad spravy. Kali b u nas byli ludzi na zapaŭnieńnie asnoŭnych miescaŭ u orhanie vydačy, my b ruchalisia chutčej. Bo najaŭnaść jurydyčnaha orhana vydačy z projdzienym aŭdytam źjaŭlajecca važnaj častkaj pracesu pryznańnia pašpartoŭ», — kamientuje Valer Kavaleŭski.

«Tak što, kali niechta z čytačoŭ ličyć, što pasuje na hetuju rolu, kali łaska, źviartajciesia da nas».

Razam z tym Valer Kavaleŭski asprečvaje zajavu Paŭła Łatuški pra toje, što prajekt padvisaje.

«Pavieł Łatuška nikoli nie mieŭ dačynieńnia da hetaha prajekta, heta nie jaho zona adkaznaści. Situacyja nie źjaŭlajecca statyčnaj, choć z boku moža vyhladać, što ničoha nie adbyvajecca. Nasamreč viadziecca šmat unutranaj pracy. My raspracavali novy padychod da pryznańnia dakumienta, kab prajekt staŭ paśpiachovym — my vyjšli na novyja formuły i ludziej, na razumieńnie, jak heta pavinna być zroblena pravilna.

Naprykład, zaraz my znachodzimsia ŭ Luksiemburhu, i na kanfierencyi Luxembourg Solutions hučyć tema mihracyi. I tut jość razumieńnie i prymańnie našych arhumientaŭ nakont taho, što ŭ pašparta jość značny sens, što jon vyrašyć surjoznuju prablemu, jakaja paŭstała pierad sotniami tysiač biełarusaŭ. Ale paŭtarusia: pakul my nie sfarmujem orhan vydačy i nie budziem mieć fizična vydrukavanyja ŭzory dakumientaŭ na rukach, nivodny dypłamat nie paabiacaje, što budzie pryznavać jaho».

Valer Kavaleŭski taksama raspavioŭ, što kamanda prajekta praciahnie supracoŭnictva z Hieraldyčnaj radaj «Pahonia».

«Taja infarmacyja, jakaja była padśviečanaja ŭ rasśledavańni BRC nakont Mikity Zabuhi, razhladaje fakty ź jaho minułaha. Mikita Zabuha zrabiŭ važnuju pracu pa raspracoŭcy dyzajnu, u jakoj taksama ŭdzielničali Garsų pasaulis — jany nasyčali dakumient elemientami biaśpieki, pryvodzili jaho ŭ adpaviednaść ź mižnarodnymi standartami. Hetaja ž funkcyja zastaniecca za Hieraldyčnaj radaj. Kali buduć patrebnyja niejkija dapracoŭki pa dyzajnie, my budziem iści tudy. Ale na hetym usio: jany nie buduć mieć dačynieńnia da techničnaj častki, da druku. U hetym sensie ŭ nas niama nijakich padstaŭ kazać, što jany nie spraŭlajucca sa svaimi funkcyjami ci ŭ ich niejkija prablemy z reputacyjaj».

U vypadku, kali Departamient dziaržbiaśpieki Litvy pryznaje  kampaniju Garsų pasaulis niadobranadziejnaj, kamanda pašparta «Novaj Biełarusi» taksama budzie šukać novych partnioraŭ dla druku dakumientaŭ.

«Nie mahu pahadzicca z ahučanymi raniej tezisami, što znajści alternatyvu Garsų pasaulis budzie składana. Ja dakładna viedaju, što jość ceły šerah kampanij u Polščy, Šviejcaryi, Vialikabrytanii, Hiermanii, ZŠA, u mnohich krainach jość svaje damy, jakija drukujuć dakumienty. Ja nie baču nijakich prablem z tym, kab znajści novuju kampaniju, jakaja budzie mieć dobruju reputacyju».

Ci staviać palityki pa pašparcie novyja dedłajny, bo raniejšyja ŭžo praterminavanyja?

«Nie mahu nazvać novyja terminy. Jość abstaviny, jakija znachodziacca pa-za našym kantrolem. Prašu zrazumieć, što my robim spravu, jakuju nikoli nie rabili. Mahu tolki prasić ab ciarplivaści. U prajekta dakładna jość pierśpiektyva», — reziumuje Valer Kavaleŭski.

Kamientary17

  • Kate
    07.06.2024
    Vyhladaje, što prajekt - šylda, maŭlaŭ, my nie tolki hrošy asvojvajem, my voś, prajekt robim. Jakimi jašče prajektami moža pachvalicca Kavaleŭski? Moža, biełaruskuju movu kabiniet pašyraje albo knihi biełaruskija vydaje albo biełaruskuju histoyju niasie ŭ masy? 
  • dočka Maksima Dizajniera
    07.06.2024
    "Pasport był priedstavlen 6 avhusta 2023 hoda: v błohie Tichanovskoj pojaviłaś krasivaja priezientacija s opisanijem jeho dizajna, odnako dieło s tiech por tak i nie sdvinułoś s miertvoj točki. 
    Boleje toho, pasport popał v riad skandałov: i jeśli isčieznovienije hołych jahodic s kartiny Šahała «Nad horodom» (jeje pytaliś ispolzovať v dizajnie) vosprinimałoś kak śmiešnoj konfuz, to v fievrale sotrudnikam Tichanovskoj prišłoś prinosiť užie oficialnyje iźvinienija. Vyjaśniłoś, čto v pasportie na kartie «zachvatili» časť Litvy. Ot Šahała, k słovu, tožie prišłoś otkazaťsia, tak kak vyjaśniłoś, čto avtorskimi pravami na kartinu vładiejet Trieťjakovka. Pri sozdanii priezientacii s dizajnom ob etom nikto nie podumał."
  • Kaban
    07.06.2024
    Źlili chłopca, a zaraz kruciacca jak vužaki
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie

Usie naviny →
Usie naviny

U Mazyry žančyna ledź nie pamierła ad lačeńnia ihołkaŭkołvańniem. A ŭvodziła sabie zvyčajnyja ihołki ad šprycoŭ1

Minadukacyi Polščy ŭskładniła pastupleńnie va ŭniviersitety mnohim zamiežnikam

Palina Šarenda-Panasiuk namalavała pa pamiaci płan kałonii ŭ Zareččy1

U Miorskim rajonie žančyna zahinuła ad udaru tokam, kali nadzimała basiejn

Letaś u Vilni ŭ biełarusaŭ naradziłasia kala 100 dziaciej32

Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy10

Łukašenka pieražyvaje, što na rynku Rasii «ŭsie topčucca», i choča handlavać ź ES. Voś jak ciapier vyhladaje situacyja ŭ zamiežnym handli12

U Novaj Ziełandyi žančyna viezła dvuchhadovaje dzicia ŭ valizcy — palicyja raźbirajecca

Hety dyzajnier z Uhandy pieraviarnuŭ śviet mody — sekandam2

bolš čytanych navin
bolš łajkanych navin

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić