«Biełaruśfilm» zapuskaje kastynh akcioraŭ dla sumiesnaha z Kitajem kinaprajekta
Na placoŭcy kinastudyi «Biełaruśfilm» z 24 pa 26 žniŭnia projdzie kastynh akcioraŭ dla zdymak sumiesnaha biełaruska-kitajskaha filma. Bolšaja častka zdymak projdzie ŭ Kitai.
Prajekt pad rabočaj nazvaj «Na vieki viečnyja», piša BiełTA, raskaža ab historyi i sučasnaści Biełarusi i Kitaja. U zdymkach prymuć udzieł bolš za 300 prafiesijanałaŭ z kitajskaha boku i kala 100 — ź biełaruskaha.
Zdymki buduć prachodzić jak u Kitai (70 pracentaŭ), tak i ŭ Biełarusi (30 pracentaŭ). Siarod biełaruskich łakacyj — Minsk, Minskaja vobłaść i Brest.
Hienieralny dyrektar nacyjanalnaj kinastudyi «Biełaruśfilm» Juryj Alaksiej skazaŭ, što heta pieršy film sumiesnaj biełaruska-kitajskaj vytvorčaści.
Kastynh budzie prachodzić na Nacyjanalnaj kinastudyi «Biełaruśfilm» z 24 pa 26 žniŭnia. Pryniać u im udzieł zaprašajucca prafiesijnyja akciory, vučni mastackich hurtkoŭ i teatralnych studyj.
Na hałoŭnuju mužčynskuju rolu ŭ filmie šukajuć akciora słavianskaj źniešnaści 20-24 hadoŭ. Pa scenary, małady čałaviek budzie zakachany ŭ dziaŭčynu z Kitaja.
Adbudziecca kastynh na čatyry mužčynskija roli: 4-hadovaha i 7-hadovaha chłopčykaŭ, a taksama 14-hadovaha i 17-hadovaha chłopcaŭ.
Akramia taho, šukajuć aktrysu na druhasnuju rolu biełaruskaj studentki. Zaprašajuć akcioraŭ i na inšyja roli druhoha płana.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary