Premjer‑ministr Rasii Uładzimir Pucin 16 sakavika naviedaje z rabočym vizitam Brest, dzie prymie ŭdzieł u čarhovym pasiadžeńni Savieta Ministraŭ Sajuznaj dziaržavy.
Na pasiadžeńni płanujecca abmierkavać kompleks pytańniaŭ praktyčnaha ŭzajemadziejańnia ekanomik dźviuch krain u ramkach Sajuznaj dziaržavy, chod pahłybleńnia intehracyi. Siarod namiečanych da razhladu pytańniaŭ — vyniki handlova‑ekanamičnaha supracoŭnictva Biełarusi i Rasii ŭ 2009 hodzie, vykanańnie płana sumiesnych dziejańniaŭ uradaŭ dźviuch krain pa minimizacyi nastupstvaŭ finansavaha kryzisu, płana mierapryjemstvaŭ pa farmiravańniu i funkcyjanavańniu abjadnanaj transpartnaj sistemy Sajuznaj dziaržavy na 2008‑2010 hady, bałans paliŭna‑enierhietyčnych resursaŭ Sajuznaj dziaržavy na 2010 hod, realizacyja dahavora pamiž dźviuma krainami ab supracoŭnictvie ŭ śfiery sacyjalnaha zabieśpiačeńnia, rabota Mytnaha kamiteta Sajuznaj dziaržavy, zbližeńnie zakanadaŭstva Biełarusi i Rasii.
Płanujecca taksama abmierkavać chod raboty pa praviadzieńniu ŭzhodnienaj palityki ŭ śfiery techničnaha rehulavańnia, standartyzacyi i mietrałohii, prajekt navukova‑techničnaj prahramy Sajuznaj dziaržavy «Pavyšeńnie efiektyŭnaści charčovych vytvorčaściej za košt pierapracoŭki ich adchodaŭ na asnovie prahresiŭnych technałohij i techniki» na 2010‑2012 hady. Na paradku dnia pasiadžeńnia i pytańnie ab dalejšym pašyreńni ŭ 2010 hodzie praktyki sumiesnych pasiadžeńniaŭ kalehij ministerstvaŭ i viedamstvaŭ dźviuch krain.
«Uzajemadziejańnia na takim vysokim uzroŭni ź inšymi krainami ŭ Rasii niama», — padkreślili ŭ pres‑słužbie rasijskaha ŭrada.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary