Hihin raskazaŭ, što źmienicca praktyka pakarańnia za raspaŭsiud «ekstremisckich» materyjałaŭ
Łukašenkaŭskija ekśpierty źbirajucca ŭrehulavać niekatoryja momanty ŭ tym, što jany buduć ličyć złačynnym raspaŭsiudam materyjałaŭ, jakija ŭłady abviaščajuć ekstremisckimi, a što — nie. Pra heta biez dadatkovych padrabiaznaściaŭ napisaŭ prapahandyst i dyrektar Nacyjanalnaj biblijateki Biełarusi Vadzim Hihin.
Jakija mienavita heta buduć źmieny, pakul nie viadoma, ale kantekst sprečki daje nadzieju, što havorka nie pra zakručvańnie hajek.
Uvahu Hihina i inšych prapahandystaŭ pryciahnuŭ vychad knihi rasijskaha impierskaha historyka Alaksandra Dziukava «Nieviadomaja dakumientalnaja spadčyna Kanstancina Kalinoŭskaha. Z archiŭnych pošukaŭ 2022—2024 hadoŭ». Siarod krynic, na jakija spasyłajecca Dziukaŭ, — pracy Siarhieja Abłamiejki, apublikavanyja na «Radyjo Svaboda», abvieščanaha łukašenkaŭskimi ŭładami ekstremisckim.
Siarod prapahandystaŭ stali hučać papiaredžańni, što takuju knihu nielha nabyvać biełarusam — bo heta moža traktavacca jak raspaŭsiud «ekstremisckich» materyjałaŭ.
Suprać takoha padychodu horača vystupiŭ Ryhor Azaronak, jaki zaŭvažyŭ, što «navukovaje vydańnie, na toje i navukovaje vydańnie, što ŭ im dazvalajecca, naprykład, spasyłacca na «Majn Kampf» pry daśledavańni fašyzmu», — pryvioŭ svoj arhumient jon.
Telehram-kanał «Hrafač», źviazany ź ministram infarmacyi Maratam Markavym, zapiarečyŭ: u ciapierašnim zakanadaŭstvie niama nijakich vyklučeńniaŭ dla navukovych ci niejkich inšych metaŭ, tamu farmalna kniha parušaje zakanadaŭstva Biełarusi.
Da abmierkavańnia dałučyŭsia i Vadzim Hihin.
«Zaraz jakraz idzie ekśpiertnaja praca pa ŭparadkavańni procidziejańnia ekstremisckim materyjałam. U vyniku ŭsie sprečnyja momanty buduć urehulavany, u tym liku i paradak cytavańnia ŭ navukovych publikacyjach», — adkryŭ jon insajd.
U Biełarusi raspaŭsiudam ekstremizmu ličycca lubaja spasyłka na niezaležnyja resursy, jakija ŭłady abviaščajuć ekstremisckimi.
-
Baćka daradcy Cichanoŭskaj Dzianisa Kučynskaha pracuje ŭ kiraŭnictvie vykankama? Nie, heta nie tak
-
«70 zakazaŭ na dzień». Biełaruska vypiakaje ŭ Varšavie vielikodnyja bułki, jakija ździŭlajuć palakaŭ
-
Viedajecie łubin? Navukoŭcy ź Minska raspracavali katlety ź jaho. Ale sami nie hatujcie ni ŭ jakim razie!
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary
Sudiat mužika za samohonovarienije. On hovorit - "Da nie varił ja samohon!!!!"
Sud́ja vozražajet - "Kak eto tak "nie varił" kohda pri obyskie u vas
obnaružien samohonnyj apparat!" Mužik oriet - "Nu i čto? Samohon-to
ja nie varił" -"Niet, varił, raz apparat imiejetie!" Mužik machnuł rukoj
i hovrit - " nu, tohda už i za iznasiłovanije suditie." Vsie v šokie. -
"A vy čto, koho-to iznasiłovali?" - "Niet, no apparat imiejetsia"
Bo jak ža ličyć ”raspaŭsiudam” interv́ju Hardonu ad ”soncalikaha što vyšej za boha” (jaki kryšku ”pierasiadzieŭ”hadkoŭ na 30), što raźmieščana na aficyjnaj staroncy jahonaj administracyi? Dy i taja ž prapahanda režymu što dnia zajmajecca ”raspaŭsiudam”. A tut jašče i ”braty režymu” (jakija ich nie ličać za roŭniu, a tolki za chałopaŭ ruskaha miru), rasiejskija vialikadziaržaŭnyja šavianisty što ljuć brud na ŭsio biełaruskaje na pierahanki z mankurtami ad režymu.
Tamu tolki kasta prysłuhi režymu moža zajmacca ”raspaŭsiudam” palivajučy brudam ŭsio što im zahadajuć z kramla ci z administracyi pad ściaham ”zachod nad bałotam”.