Śviet11

ZŠA nanosiać avijaŭdary pa paŭstancach-chusitach u Jemienie paśla zahadu Trampa

ZŠA pačali «rašučuju i mahutnuju» chvalu avijaŭdaraŭ pa paŭstancach-chusitach u Jemienie, zajaviŭ prezident Donald Tramp, rastłumačyŭšy svajo rašeńnie napadami ŭzbrojenaj hrupoŭki na sudny ŭ Čyrvonym mory — adnym z najvažniejšych suśvietnych maršrutaŭ dla transparciroŭki nafty i paliva, piša VVS.

Mitynh suprać ZŠA i Izraila ŭ Sanie, Jemien, 14 lutaha 2025 h. Fota: AP Photo / Osamah Abdulrahman

«Siońnia ja zahadaŭ US ZŠA prystupić da rašučych i mahutnych dziejańniaŭ suprać jemienskich terarystaŭ: chusitaŭ», — napisaŭ Tramp u svajoj sacsietcy Truth Social, rastłumačyŭšy, što heta adkaz na toje, što chusity nie spyniajuć abstreły amierykanskich i inšych karabloŭ, samalotaŭ i bieśpiłotnikaŭ.

«Paviedamlaju terarystam-chusitam: vaš čas skončyŭsia. Vy pavinny spynić ataki siońnia ž. U advarotnym vypadku vas čakajuć takija piakielnyja muki, jakich vy jašče nie adčuvali», — dadaŭ prezident ZŠA.

«Našy advažnyja vajennyja prama ciapier nanosiać pavietranyja ŭdary pa bazach terarystaŭ, ich lidaram i supraćrakietnaj abaronie, kab abaranić amierykanskija marskija, pavietranyja i vajenna-marskija aktyvy i adnavić svabodu sudnachodstva», — napisaŭ Tramp.

U svajoj zajavie chusity abvinavacili ZŠA i Vialikabrytaniju ŭ «złosnaj» ahresii suprać žycharoŭ Sany. Adnak viadoma, što Łondan nie maje dačynieńnia da subotnich udaraŭ pa Jemienie.

Padkantrolnaje chusitam Ministerstva achovy zdaroŭja paviedamiła, što ŭ vyniku ŭdaraŭ zahinuli sama mieniej 19 čałaviek i 11 atrymali ranieńni.

Chusity — heta paŭstančaja hrupoŭka, jakaja padtrymlivajecca Iranam i ličyć Izrail svaim voraham. Jana kantraluje stalicu Jemiena Sanu i paŭnočny zachad krainy, ale nie źjaŭlajecca mižnarodna pryznanym uradam krainy.

Tramp zaklikaŭ Iran spynić padtrymku chusitaŭ, papiaredziŭšy, što Vašynhton pryciahnie Tehieran «da poŭnaj adkaznaści».

Paśla pačatku vajny ŭ siektary Haza paŭstancy-chusity ŭ Jemienie, jakija karystajucca padtrymkaj Irana, zajavili ab svajoj salidarnaści z CHAMAS.

Jany pačali abstrelvać rakietami i bieśpiłotnikami sudny, jakija prachodziać pa vuzkim Bab-el-Mandebskim pralivie, šyrynia jakoha składaje kala 30 km.

Pa dadzienych Kanhresa ZŠA, u pieryjad ź listapada 2023 hoda pa kastryčnik 2024 hoda chusity ździejśnili 190 napadaŭ u Čyrvonym mory.

Chusity śćviardžajuć, što stralajuć pa sudach, jakija iduć u Izrail, adnak daloka nie ŭsie z abstralanych sudoŭ nakiroŭvalisia tudy. 

Ź ciaham času chusity stali ŭsio bolš aktyŭna abstrelvać sudny, jany taksama zapuskali rakiety i bieśpiłotniki ŭ bok Izraila.

Z-za napadaŭ chusitaŭ amal usie sudnachodnyja kampanii prypynili rejsy praz Čyrvonaje mora, nakiroŭvajučy svaje sudny ŭ abychod.

Čyrvonaje mora ličycca adnym z najvažniejšych u śviecie maršrutaŭ pa pieravozcy nafty, zvadkavanaha hazu i inšych tavaraŭ.

Hrupoŭka zajaviła arabskim ŚMI, što praciahnie svaje ataki, i avijaŭdary nie asłabiać ich padtrymku palestyncaŭ.

«Hetaja ahresija nie zastaniecca biez adkazu, i našy jemienskija ŭzbrojenyja siły hatovyja adkazać na eskałacyju dalejšaj eskałacyjaj», — zajavili pradstaŭniki hrupoŭki.

Kamientary1

  • Prostitie
    16.03.2025
    Povstanciev!?? Možiet piratov osuŝiestvlajuŝich tierror pod rukoj irana i rośsii.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Asudžany za «Hajun» da chimii brat Ihara Łosika ŭciok ź Biełarusi3

Asudžany za «Hajun» da chimii brat Ihara Łosika ŭciok ź Biełarusi

Usie naviny →
Usie naviny

«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły1

Žychary rajcentra ŭ Viciebskaj vobłaści hadami skardziacca na drennuju vadu

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay25

Biełaruskaja handbalistka budzie hulać za zbornuju Rumynii

Dla biełaruskaha fiestyvalu vyrabili trochmietrovy chot-doh FOTAFAKT9

bolš čytanych navin
bolš łajkanych navin

Asudžany za «Hajun» da chimii brat Ihara Łosika ŭciok ź Biełarusi3

Asudžany za «Hajun» da chimii brat Ihara Łosika ŭciok ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić