Biełarusy, jakija chočuć ukrainski pašpart, ale nie mohuć admovicca ad hramadzianstva Biełarusi aficyjna, zmohuć zrabić heta dekłaratyŭna
Słužba biaśpieki Ukrainy budzie pravodzić pravierku asob, jakija raniej byli hramadzianami Rasii ci Biełarusi, pražyvali na časova akupavanych terytoryjach, a ciapier imknucca atrymać ukrainskaje hramadzianstva. Pra heta paviedamiŭ namieśnik staršyni kamiteta Viarchoŭnaj Rady pa pravach čałavieka Rusłan Harbienka ŭ kamientary Ukrinfarmu.
Parłamientaryj padkreśliŭ, što danyja pra takich asob buduć vyvučacca, buduć pravodzicca śpiecyjalnyja pravierki.
«Kali asoba nie budzie mieć ničoha ahulnaha z krainaj-ahresaram, a budzie pražyvać na terytoryi Ukrainy patrebny čas, zdaść ekzamien pa ŭkrainskaj movie, historyi Ukrainy, na viedańnie Kanstytucyi, budzie mieć praŭkrainskuju pazicyju, tady zmoža atrymać hramadzianstva», — prainfarmavaŭ Harbienka.
Adnačasova deputat raspavioŭ, što zakonam rehłamientujecca miechanizm atrymańnia hramadzianstva hramadzianami RF i RB, jakija padvierhlisia palityčnym pieraśledam, a taksama zamiežnymi vajennymi z zamiežnaha lehijonu, jakija vajujuć na baku Ukrainy.
«Takija asoby nie mohuć aficyjna admovicca ad hramadzianstva Rasii ci Biełarusi, bo nie mohuć viarnucca ŭ svaju krainu, aformić nieabchodnyja dakumienty dla spynieńnia hramadzianstva.
Tamu my dajem takim asobam prava dekłaratyŭnaj admovy. Zhodna z zakonam, dekłaracyja ab admovie ad zamiežnaha hramadzianstva — heta dakumient, jaki śviedčyć admovu zamiežnika ad hramadzianstva inšaj dziaržavy i pryznaje siabie tolki hramadzianinam Ukrainy. U takim vypadku asoba pavinna padać aficyjny zvarot da našych orhanaŭ ułady», — patłumačyŭ palityk.
Namieśnik staršyni parłamienckaha kamiteta dadaŭ, što adpaviednyja pracedury taksama buduć prymianiacca da asob, jakija prymusova atrymali pašpart RF na časova akupavanych terytoryjach Ukrainy.
Pavodle jaho słoŭ, u zakanadaŭstvie vyrazna prapisana: hramadzianstva nie ličycca dobraachvotna nabytym, kali ludzi byli vymušany jaho atrymać na časova akupavanych terytoryjach abo paśla departacyi na terytoryju Rasii, akramia vypadkaŭ, kali asoba dziejničała dziela prapahandy vajny, padtrymki ahresii i supracoŭnictva z akupacyjnaj uładaj.
«Zrazumieła, što adpaviednyja orhany buduć pravodzić śpiecpravierku na pradmiet złačynstva pa art. 111 KKU «Dziaržaŭnaja zdrada», a taksama na pradmiet kałabaranctva i inšych padobnych złačynstvaŭ. Ale heta nie značyć uviadzieńnie niejkich śpiecmieraŭ da ŭsich hramadzian, jakija žyvuć na TOT — imiony tych, chto supracoŭničaje z ahresaram, viadomyja našym śpiecsłužbam užo ciapier. I takija asoby paśla deakupacyi nie zastanucca na terytoryi Ukrainy, a pieršymi pačnuć uciakać u Rasiju», — dadaŭ Harbienka.
Kamientary
Pieriekanany paśla Mileŭskaha komikaŭ z " diziela" i...Hurkova padobnych.. ..nišmat.
Čto v Ukrainie błahO v rf taksama błahO lubo to biełarusu błahA i zusim ...nizrazumieła.
I 35 hod u saŭdepii tak sabie " radnia" a praz 35 rod to...?? zusim ińšyja adzin cikaviej za ińšaha .
Ale pa sensu nie prabačajuś. Za 35 hod paśla ravała saŭdepii ..zuuusim roznyja my .