U Tulskaj vobłaści eks-bajec uzarvaŭ hranatu, jakuju pryciahnuŭ z vajny va Ukrainie. Zahinuli čatyry čałavieki
Alaksiej byŭ nieadnarazova sudzimy i z kałonii pajšoŭ na vajnu va Ukrainu. Sa svaimi tavaryšami pasvaryŭsia.
Siońnia nočču ŭ pasiołku Kurkina Tulskaj vobłaści Rasii 32-hadovy Alaksiej pasvaryŭsia z 23-hadovym Savielijem i jaho siabram, 29-hadovym Andrejem. Raniej jany siabravali, ale apošnim časam stali časta kanfliktavać z Alaksiejem, bo toj padazravaŭ, što Savielij užyvaje narkotyki, piša telehram-kanał «Ostorožno, novosti».
Pavodle słoŭ znajomych zahinułych, heta adbyvałasia z-za «paniaćciaŭ» Alaksieja, jaki ličyŭ siabie miascovym «kryminalnym aŭtarytetam». Jon nieadnarazova byŭ sudzimy. U tym liku za vymahańnie, kradziež, niepravamiernaje zavałodańnie aŭtamabilem i pryčynieńnie asabliva ciažkaj škody. U 2023 hodzie nad im ustanavili administracyjny nahlad paśla taho, jak jon znoŭ byŭ asudžany za vymahańnie.
Jak śćviardžajuć znajomyja ŭdzielnikaŭ kanfliktu, Alaksiej znoŭ byŭ asudžany i z kałonii pajšoŭ słužyć na vajnu va Ukrainu. Niadaŭna jon viarnuŭsia dadomu. Hetaj nočču ŭ jaho z Savielijem znoŭ adbyŭsia kanflikt, Alaksiej dastaŭ hranatu, jakuju zabraŭ z frontu.
Adbyŭsia vybuch, na miescy zahinuli troje čałaviek: sam Alaksiej, Andrej i baćka Savielija. Samoha Savielija pavieźli ŭ balnicu, jon pamior pa darozie.
U SK pa Tulskaj vobłaści paćvierdzili hibiel čatyroch čałaviek pry detanacyi vybuchovaha prystasavańnia. Zaviedzienaja kryminalnaja sprava. Pavodle papiarednich danych, detanacyja adbyłasia pobač z pryvatnym domam u Kurkina.
Kamientary