«Biełavija» rychtujecca da ŭkaranieńnia pasłuhi pa prodažy bartavoha charčavańnia. Ale heta nie značyć, što avijakampanija admovicca ad charčavańnia, jakoje ŭklučana ŭ košt pieralotu, raspavioŭ «Sputniku» jaje hienieralny dyrektar Ihar Čarhiniec.
Pa słovach kiraŭnika avijakampanii, admaŭlacca pa zmoŭčvańni ad charčavańnia na borcie, jak heta robiać łaŭkostary, «Biełavija» nie płanuje. Havorka idzie ab dadatkovaj pasłuzie. Miarkujecca, što pierad palotam pasažyr zmoža zamović sabie dadatkovy abied.
«My zmožam pa žadańni pasažyra karmić i dva, i try razy za palot», — adznačyŭ Ihar Čarhiniec.
Vierahodna, takoje mieniu budzie vyhadna adroźnivacca ad «bazavych» abiedaŭ. Paviedamlajecca, što jaho raspracoŭkaj zojmiecca Kamiercyjnaja słužba «Biełavija» sumiesna sa słužbaj «Keterynh» Nacyjanalnaha aeraporta Minsk.
Što tyčycca novych praciahłych rejsaŭ (naprykład, u Vjetnam, Tajłand, na Šry-Łanku i vostraŭ Chajnań), to tam padčas palotu płanujuć dvojčy karmić pasažyraŭ paŭnavartasnym abiedam, uklučanym u košt kvitka.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary