AliExpress pieravioŭ biełaruskija akaŭnty na raźliki ŭ biełaruskich rublach biez prava vybaru valuty. Vychodzić značna daražej
Karystalniki AliExpress ź Biełarusi zaŭvažyli, što handlovaja placoŭka pieraviała ich akaŭnty na raźliki ŭ biełaruskich rublach. Mahčymaść vybrać dalar abo inšuju valutu ŭ dadatku i na sajcie stała niedastupnaj — pole zapytu pakazvajecca nieaktyŭnym (šerym), piša «Smartpres».
Padčas abmierkavańnia ŭ internecie hetaha abnaŭleńnia biełarusy adznačajuć, što kurs na placoŭcy prykmietna vyšejšy za aficyjny i bankaŭski: zamiest 2,89 rubla za dalar AliExpress vystaŭlaje kurs 3,15-3,19 rubla.
Pa słovach karystalnikaŭ, heta pryvodzić da padaražeńnia pakupak na 8-10%.
Situacyju paharšaje šmatstupiennaja kanviertacyja: cana pakazvajecca ŭ biełaruskich rublach, śpisańnie adbyvajecca ŭ dalarach, a zatym bank znoŭ pieravodzić sumu ŭ rubli — časam praź jeŭra (u zaležnaści ad karty i banka). U vyniku kančatkovaja suma akazvajecca vyšejšaj za čakanuju, narakajuć biełarusy.
Sproby abyści abmiežavańni z dapamohaj VPN, roznych braŭzieraŭ abo čystka cookie dajuć tolki časovy efiekt abo nie pracujuć naohuł. Na fonie raniej uviedzienaha PDV karystalniki ŭsio čaściej nazyvajuć AliExpress «faktyčna adklučanym» dla Biełarusi.
Zasnavalnik «Buślika» raskazaŭ pra novuju historyju prajekta
«Poŭny farš, a cana jak u pustoj Tesla». Čym (nie) zadavolenyja ŭładalniki kitajskich elektramabilaŭ
Tyktok kidaje vyklik «Amazonu» i stanovicca novym lidaram u internet-handli
Sa śniežnia ŭ Biełarusi zapracuje «finansavy markietpłejs» z akcyjami i ablihacyjami dziaržaŭnych pradpryjemstvaŭ
Niekatoryja ipešniki z novaha hoda nie zmohuć handlavać praz markietpłejsy
Kamientary