«Biełavija» abjaviła pra adkryćcio čartarnaj prahramy ŭ Turcyju
Avijakampanija Belavia abjaviła na viasnu nastupnaha hoda čartarnuju prahramu ŭ Turcyju ź Biełarusi. Pieraloty buduć arhanizavanyja ź piaci haradoŭ: Minsk, Brest, Homiel, Mahiloŭ i Viciebsk. Z usich haradoŭ možna dabracca da Antalji, a ź Minska taksama dastupnyja rejsy ŭ Badrum i Iźmir.
Pieršy čartarny rejs zapłanavany na 17 krasavika, apošni — na 20 listapada. Turyzm prapanuje roznyja farmaty adpačynku: ad 4 da 28 načej, u siarednim — 10—11 načej.
Kankretnyja daty rejsaŭ u Antalju:
- Minsk: 17 krasavika — 20 listapada (4—28 načej);
- Brest: 11 maja — 26 kastryčnika (10/11 načej);
- Homiel: 10 maja — 25 kastryčnika (10/11 načej);
- Mahiloŭ: 17 maja — 21 kastryčnika (10/11 načej);
- Viciebsk: 24 maja — 27 vieraśnia (10/11 načej)
Rejsy ŭ Badrum ź Minska: 21 maja — 5 kastryčnika (10/11 načej).
Rejsy ŭ Iźmir ź Minska: 25 maja — 8 kastryčnika (10/11 načej).
Ciapier u Turcyi ŭviali novyja praviły dla hatelaŭ: pry zasialeńni turystaŭ nieabchodna adpraŭlać ich źviestki niepasredna ŭ ličbavuju sistemu Ministerstva ŭnutranych spraŭ, a zachoŭvańnie papiarovych kopij dakumientaŭ zabaronienaje. Heta zroblena dla praduchileńnia machlarstva i niepravamiernaha vykarystańnia asabistaj infarmacyi turystaŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary